Qazaqstanda 2–9 tamyz aralyǵynda 47 orman órti tirkeldi. Bul týraly Ekologiia jáne tabiǵi resýrstar ministrligi málimdedi, dep habarlaidy dalanews.kz.
Vedomstvo málimetinshe, órtterdiń 21-i jergilikti atqarýshy organdarǵa qarasty orman sharýashylyqtarynyń aýmaǵynda bolsa, taǵy 26 jaǵdai memlekettik orman qory jerlerinde bolǵan.
Órt oshaqtary jerústi jáne áýe patrýldeýi kezinde, sondai-aq órtti erte anyqtaý júieleriniń kómegimen anyqtalǵan. Tilsiz jaýmen kúreske orman kúzeti qyzmetkerleri, aviatsiialyq órt sóndirý bólimsheleri men arnaiy aviatsiia jumyldyryldy.
Ekologiia ministrligi barlyq órttiń der kezinde oqshaýlanyp, tolyq sóndirilgenin habarlady. Sonyń nátijesinde órttiń odan ári taralýyna jol berilmegen.
