Qazaqstanda biznes ókilderi biometriia boiynsha tekseriletin bolady. Bilik elimizdegi búkil kásipkerlerge áser etetin osyndai jańa baqylaý júiesin engizýde. Iaǵni, endi biznesmender tek qujattar ǵana emes, sonymen qatar saýsaq izderi, betti skanerleý, tipti daýys tanýdy da qamtityn biometriia tásili boiynsha da tekseriletin bolady, dep habarlaidy Dalanews.kz.
Jalpy, bul jańashyldyq jalǵan kompaniialarmen jáne ótirik shot-faktýralarmen kúresý jónindegi aýqymdy jobanyń bir bóligi bolyp tabylady.
Salyq organdarynyń júielerinde biometriiany qoldaný qaǵidalaryn bekitý týraly buiryqtyń jobasy "Ashyq NQA" portalynda jariialandy.
Bul arada ańdý nemese baqylaý týraly emes, biznes ortada tártip ornatý jaiy sóz bolyp otyr. Bilik aqsha jylystatýdyń sur jáne kóleńkeli shemasy bolyp tabylatyn "bir kúndik firmalardyń" kózin osylaisha joimaq niette.
Onyń tásili qarapaiy: jalǵan kompaniia jalǵan shot-faktýra jasaidy, al qujattary bári tap-taza. Mundai mahinatsiiany taný qiyn, ásirese eger bári resmi túrde durys toltyrylyp, durys rásimdelse.
Buǵan jol bermeý úshin salyq aqparattyq júielerine biometriialyq sáikestendirý amalyn engizý josparlanýda. Máselen, eger siz óz atyńyzǵa kompaniia tirkegen bolsańyz, júie onyń dál sizdiki ekenin bilýi kerek, onyń artynda ondaǵan aty bar, zaty joq zańdy tulǵa turmaýy tiis. Tek tiri adam biznesti naqty basqaratynyn anyqtaý kerek.
Joba Salyq kodeksiniń 68-babyn oryndaý sheńberinde iske asyrylýda jáne túsindirmesinde atap kórsetilgendei, biznes pen azamattar úshin asa úlken qaýip joq. Iaǵni, bul bostandyqqa da, quqyqtarǵa da, naryqqa degen qoljetimdilikke de áser etpeýi kerek .
Qujat talqysy 2025 jyldyń 20 tamyzyna deiin belgilengen.
Biometriialyq verifikatsiia ideiasy tyń jańalyq emes. Osyǵan uqsas sharalar birqatar elderde kóleńkeli shemalarmen jáne salyqtan jaltarýmen kúresý úshin qoldanylady.
Buǵan deiin Qazaqstanda salyq salýshylar onlain-platformalar arqyly ózin-ózi jumyspen qamtyǵandardyń tabysyn qadaǵalai bastaityny habarlanǵan bolatyn.
