Qazaqstanda bankter men baılanys operatorlaryna qatysty 52 alaıaqtyq is tergelýde, dep habarlaıdy Dalanews.kz Informburo.kz saıtyna siltep.
Qazirgi ýaqytta atalǵan isterdiń eshqaısysy sotqa jiberilmegen.
“Barlyq ister tergeý óndirisinde, qajetti tergeý sharalary júrgizilýde. Dosýdıalyq tergeý derekteri jarıalanbaıdy”, – dep málimdedi qadaǵalaý organy redaksıanyń suraýyna bergen jaýabynda.
Quzyrly organdar alaıaqtyqpen kúreske baǵyttalǵan zańnamany qatańdatý boıynsha jumystar júrgizip jatyr, sondaı-aq bankter men mıkroqarjy uıymdaryna tekserý júrgizýde.
Bankter men baılanys operatorlary alaıaqtyqqa qalaı yqpal etkeni jóninde Bas prokýratýra tergeý qupıasyna baılanysty aqparat bermeıtinin málimdedi.
