Qazaqstanda balalarǵa arnalǵan sim-karta paida boldy, - dep habarlaidy Dalanews.kz.
Almaty qalasynda SIM KIDS jobasy resmi túrde iske qosyldy. Bas prokýrordyń tapsyrmasy boiynsha 2023-2025 jyldarǵa arnalǵan balalardy zorlyq-zombylyqtan qorǵaý, sýitsidtiń aldyn alý jáne olardyń quqyqtary men ál-aýqatyn qamtamasyz etý jónindegi keshendi josparǵa kámeletke tolmaǵandardy internettegi destrýktivti kontenttiń ziian áserinen qorǵaýǵa baǵyttalǵan usynystar ázirlengen.
"Osy bastama aiasynda Almaty qalasynyń prokýratýrasy TELE2/ALTEL bailanys operatorymen birlesip, "SIM KIDS" pilottyq jobasyn iske qosty. Bul - balalar SIM-kartasy. Karta avtomatty túrde ziian kontentti buǵattaidy, ata-analarǵa balanyń qosymshalardaǵy belsendiligin baqylaýǵa múmkindik beredi jáne dybyssyz rejimde bolsa da, balamen bailanysta bola alasyz", - dep jazylǵan habarlamada.
Joba pilottyq synaq kezeńinen sátti ótip, qazir niet bildirgender úshin qoljetimdi.
