Bilim jáne ǵylym ministri Ashat Aimaǵambetov, densaýlyq saqtaý ministri Aleksei Tsoi, ishki ister ministri Erlan Turǵymbaev, sondai-aq IýNISEF ókildiginiń basshysy Artýr van Dizen baiandama jasady.
2020 jyly Qazaqstanda balalardyń quqyqtaryn qorǵaý salasynda 22 normativtik quqyqtyq akt ázirlenip, qabyldandy. Bala quqyqtaryn qorǵaýdy kúsheitý, turmystyq zorlyq-zombylyqqa qarsy is-qimyl jáne jasóspirimder arasynda sýitsid máselelerin sheshý jónindegi 2020-2023 jyldarǵa arnalǵan jol kartasy bekitildi. Terroristik áreketten zardap shekken balalardy áleýmettik ońaltý qaǵidalary men merzimderi qabyldandy.
2022 jyly balalardyń qaýipsizdigin, densaýlyǵyn, bilim alýyn, materialdyq ál-aýqatyn, áleýmettenýin qamtityn balalar igiliginiń qazaqstandyq indeksin engizý josparlanýda. Osy indekstiń kómegimen balalardyń jaǵdaiyn jaqsartý boiynsha memlekettik organdar jumysynyń nátijeliligi qadaǵalanatyn bolady.
Úkimet basshysy kóshede, bilim berý uiymdarynda, demalys kezinde balalardyń qaýipsizdigin qamtamasyz etýdiń mańyzdylyǵyn atap ótti.
Osyǵan bailanysty A. Mamin eki apta ishinde bilim berý jáne bos ýaqytty ótkizý salasynyń obektilerin tiisti qaýipsizdik infraqurylymymen qamtamasyz etý jónindegi jol kartasyn daiyndaýdy tapsyrdy.
Beinebaqylaý júieleri men olardyń Politsiianyń jedel basqarý ortalyqtarymen integratsiialanýyna, “dabyl túimesiniń” bolýyna jáne shuǵyl áreket etýge erekshe nazar aýdarý kerek. Barlyq is-sharalar oqý jyly bastalǵanǵa deiin aiaqtalýy tiis, – dedi A. Mamin.
Densaýlyq saqtaý ministrligine, ákimdikterge aýrýlardyń aldyn alý jáne erte diagnostikalaý, ońaltý, aýrýdy bala jastan baqylaý boiynsha sharalar qabyldaý, mektep meditsinasyn, erte damý jáne skrining kabinetteriniń, balalar úileriniń, balalar statsionarlary men emhanalarynyń materialdyq-tehnikalyq bazasyn jetildirý tapsyryldy.
Úkimet basshysy ákimdikterge sportpen ainalysatyn balalardyń sanyn arttyrý boiynsha sharalar qabyldaýdy tapsyrdy.
