Qazaqstanda 31 naýryzdan keiin AI-92 benzini qymbattaýy múmkin. Úkimet baǵany ai saiyn shamamen 1 teńgege ósirýdi josparlap otyr, dep habarlaidy Dalanews.kz.
2025 jylǵy 16 qazannan bastap engizilgen benzin men dizel baǵasyna qatysty shekteý merzimi erteń aiaqtalady. Osy ýaqytqa deiin memleket janarmai baǵasyn baqylaýda ustap keldi.
Endi bilik baǵany tolyq erkindikke jibermei, kezeń-kezeńimen kóterýdi kózdep otyr. Alǵashqy ailarda AI-92 baǵasy ai saiyn shamamen 1 teńgege ǵana ósedi. Bul – baǵanyń kúrt qymbattap ketpeýi úshin qabyldanǵan shara.
Qazir álemdik naryqta munaidyń baǵasy barreline shamamen 112 dollar bolsa, Qazaqstan ishinde munai óńdeý zaýyttaryna jetkiziletin shikizattyń baǵasy shamamen 25 dollar deńgeiinde qalyp otyr. Iaǵni, syrtqy jáne ishki baǵa arasynda aitarlyqtai aiyrmashylyq bar.
