قازاقستاندا 31 ناۋرىزدان كەيىن اي-92 بەنزينى قىمباتتاۋى مۇمكىن. ۇكىمەت باعانى اي سايىن شامامەن 1 تەڭگەگە ءوسىرۋدى جوسپارلاپ وتىر، دەپ حابارلايدى Dalanews.kz.
2025 جىلعى 16 قازاننان باستاپ ەنگىزىلگەن بەنزين مەن ديزەل باعاسىنا قاتىستى شەكتەۋ مەرزىمى ەرتەڭ اياقتالادى. وسى ۋاقىتقا دەيىن مەملەكەت جانارماي باعاسىن باقىلاۋدا ۇستاپ كەلدى.
ەندى بيلىك باعانى تولىق ەركىندىككە جىبەرمەي، كەزەڭ-كەزەڭىمەن كوتەرۋدى كوزدەپ وتىر. العاشقى ايلاردا اي-92 باعاسى اي سايىن شامامەن 1 تەڭگەگە عانا وسەدى. بۇل – باعانىڭ كۇرت قىمباتتاپ كەتپەۋى ءۇشىن قابىلدانعان شارا.
ءقازىر الەمدىك نارىقتا مۇنايدىڭ باعاسى باررەلىنە شامامەن 112 دوللار بولسا، قازاقستان ىشىندە مۇناي وڭدەۋ زاۋىتتارىنا جەتكىزىلەتىن شيكىزاتتىڭ باعاسى شامامەن 25 دوللار دەڭگەيىندە قالىپ وتىر. ياعني، سىرتقى جانە ىشكى باعا اراسىندا ايتارلىقتاي ايىرماشىلىق بار.
