2024 jyldyń birinshi toqsanynda avtokólikti jóndeýge ketetin ortasha chek 33 400 teńge boldy. Byltyrǵy qańtar-naýryzben salystyrǵanda bıyl servıs 14 paıyzǵa qymbattaǵan.
Jalpy alǵanda avtokólikterdi jóndeýge ketetin ortasha soma biraz ýaqyt turaqty bolyp turǵan. Tek naýryz aıynda asa qatty sharyqtap ketken. Oǵan avtoservıs segmentindegi qyzý maýsym sebep bolǵan.
Avto qyzmet kórsetý baǵasy ınflásıadan sál asyp, birtindep ósip keledi. Elimizde óndiristiń de, jańa kólikter shyǵarýdyń qarqyny aqyryndap artyp jatyr. Degenmen eski kólikterdiń úlesi áli de kóp. Sáıkesinshe, kólik eski bolǵan saıyn, jıi jóndeý kerek bolady. Sondyqtan avtokólik ıeleri temir tulparyn uzaǵyraq paıdalaný úshin jóndeýge berip, aqsha salady, – deıdi Qazaqstandaǵy Fit Service departamentiniń jetekshisi Vácheslav Mıshın.
2024 jyldyń birinshi toqsanynda avtoservıs qyzmetine Toyota, Hyundai, Lada, Kia jáne Chevrolet kólikterini ıeleri júgingen. Al modelderin atap ótsek: Toyota Camry, Hyundai Accent jáne Kia Rio.
Zertteýge Qazaqstannyń toǵyz qalasyndaǵy (Almaty, Astana, Pavlodar, Qaraǵandy, Óskemen, Qostanaı, Petropavl, Semeı, Oral) 18 avtoservıs jelisi stansıasy qatysqan.