2024 جىلدىڭ ءبىرىنشى توقسانىندا اۆتوكولىكتى جوندەۋگە كەتەتىن ورتاشا چەك 33 400 تەڭگە بولدى. بىلتىرعى قاڭتار-ناۋرىزبەن سالىستىرعاندا بيىل سەرۆيس 14 پايىزعا قىمباتتاعان.
جالپى العاندا اۆتوكولىكتەردى جوندەۋگە كەتەتىن ورتاشا سوما ءبىراز ۋاقىت تۇراقتى بولىپ تۇرعان. تەك ناۋرىز ايىندا اسا قاتتى شارىقتاپ كەتكەن. وعان اۆتوسەرۆيس سەگمەنتىندەگى قىزۋ ماۋسىم سەبەپ بولعان.
اۆتو قىزمەت كورسەتۋ باعاسى ينفلياسيادان ءسال اسىپ، بىرتىندەپ ءوسىپ كەلەدى. ەلىمىزدە ءوندىرىستىڭ دە، جاڭا كولىكتەر شىعارۋدىڭ قارقىنى اقىرىنداپ ارتىپ جاتىر. دەگەنمەن ەسكى كولىكتەردىڭ ۇلەسى ءالى دە كوپ. سايكەسىنشە، كولىك ەسكى بولعان سايىن، ءجيى جوندەۋ كەرەك بولادى. سوندىقتان اۆتوكولىك يەلەرى تەمىر تۇلپارىن ۇزاعىراق پايدالانۋ ءۇشىن جوندەۋگە بەرىپ، اقشا سالادى، – دەيدى قازاقستانداعى Fit Service دەپارتامەنتىنىڭ جەتەكشىسى ۆياچەسلاۆ ميشين.
2024 جىلدىڭ ءبىرىنشى توقسانىندا اۆتوسەرۆيس قىزمەتىنە Toyota، Hyundai، Lada، Kia جانە Chevrolet كولىكتەرىنى يەلەرى جۇگىنگەن. ال مودەلدەرىن اتاپ وتسەك: Toyota Camry، Hyundai Accent جانە Kia Rio.
زەرتتەۋگە قازاقستاننىڭ توعىز قالاسىنداعى (الماتى، استانا، پاۆلودار، قاراعاندى، وسكەمەن، قوستاناي، پەتروپاۆل، سەمەي، ورال) 18 اۆتوسەرۆيس جەلىسى ستانسياسى قاتىسقان.
