ۇلتتىق دومبىرا كٷنٸنە وراي جەتٸسۋ وبلىسىندا مۇقان تٶلەباەۆ اتىنداعى وركەستردٸڭ مۋزىكانتتارى تٸكەلەي ەفيردە ەلەمنٸڭ 10 ەلٸ مەن رەسپۋبليكالارىنان دومبىراشىلارىمەن بٸرگە نۇرعيسا تٸلەنديەۆتٸڭ «القيسا» كٷيٸن بٸر مەزەتتە ورىندادى, دەپ حابارلايدى dalanews.kz.
مەرەكەلٸك شارا تالدىقورعان قالاسىندا ٶتتٸ. تٸكەلەي ەفير ارقىلى وعان قىتاي, اقش, تٷركييا, بەلگييا, تٷرٸكمەنستان, قىرعىزستان, ٶزبەكستان, تەجٸكستان, باشقۇرتستان جەنە التاي ٶلكەسٸنەن دومبىراشىلار قاتىسىپ, وسىلايشا قازاقتىڭ كٷي ٶنەرٸنٸڭ شەبەرلەرٸ مەن جاناشىرلارىن بٸر ارناعا توعىستىردى.
كٶرەرمەنگە ەرەكشە ەسەر قالدىرعان تەاترلاندىرىلعان پرولوگ بارىسىندا اقساقالدىڭ دومبىرانى الدىمەن جاس بۋىنعا, كەيٸن بٷلدٸرشٸنگە سيمۆولدىق تٷردە تابىستاۋى ۇرپاقتار ساباقتاستىعى مەن ۇلتتىق مۇرانىڭ مەڭگٸلٸك ٶمٸرشەڭدٸگٸن كٶركەم بەينەلەدٸ. جاس ٶنەرپاز ورىنداعان العاشقى كٷيدٸ مۇقان تٶلەباەۆ اتىنداعى حالىق اسپاپتار وركەسترٸ جالعاستىرىپ, كونتسەرتتٸك باعدارلامانىڭ شىمىلدىعىن اشتى.
مەرەكەلٸك كونتسەرت اياسىندا حالىق اسپاپتار وركەسترٸ, دەستٷرلٸ ەن ورىنداۋشىلارى مەن تانىمال كٷيشٸلەر قازاق مۋزىكا ٶنەرٸنٸڭ تاڭداۋلى شىعارمالارىن ورىندادى. قۇرمانعازىنىڭ «اداي», «ماحامبەت» كٷيلەرٸ, حالىق ەندەرٸ مەن تەرمەلەر كٶرەرمەننٸڭ كٶڭٸلٸنەن شىقتى. ۇلتتىق بي انسامبلدەرٸنٸڭ جارقىن قويىلىمدارى مەرەكەنٸڭ ۇلتتىق ناقىشىن ايشىقتاي تٷستٸ.
شارانىڭ ەڭ قىزىقتى بٶلٸمدەرٸنٸڭ بٸرٸ كٶرەرمەندەرگە ارنالعان ينتەراكتيۆتٸ ويىندار بولدى. قاتىسۋشىلار دومبىرا تاريحى مەن قازاقتىڭ كٷي ورىنداۋشىلىق ٶنەرٸنە قاتىستى سۇراقتارعا جاۋاپ بەرٸپ, ٶزدەرٸنٸڭ مول بٸلٸمٸ مەن مەدەني مۇراعا دەگەن شىنايى قىزىعۋشىلىعىن كٶرسەتتٸ.
مەرەكەنٸڭ ارنايى قوناعى قازاقستاننىڭ ەڭبەك سٸڭٸرگەن قايراتكەرٸ باقبەرگەن اسقاربەكوۆ ۇلتتىق دومبىرا كٷنٸنٸڭ ماڭىزدىلىعىنا ەرەكشە توقتالدى.
— دومبىرا – حالقىمىزدىڭ تاريحىن, دٷنيەتانىمىن جەنە ٶمٸر سالتىن ساقتاپ كەلگەن قاسيەتتٸ مۇرا. وسىنداي مەرەكەلەر ارقىلى جاس ۇرپاق ۇلتتىق ٶنەردٸڭ قادٸر-قاسيەتٸن تەرەڭٸرەك تٷسٸنەدٸ. جەتٸسۋدىڭ شىعارماشىلىق دەستٷرٸن جالعاستىرىپ جٷرگەن ٶنەرپازداردىڭ, بەلگٸلٸ كٷيشٸلەر مەن جاس ورىنداۋشىلاردىڭ شەبەرلٸگٸ ەربٸر تىڭدارماننىڭ جٷرەگٸنەن ورىن تاپتى, – دەدٸ ول.
قالا تۇرعىنى ايناگٷل سەرسەنبايقىزى دا ٶز ەسەرٸمەن بٶلٸستٸ.
— بۇل كەش بٸزگە تاماشا مۋزىكا سىيلادى. دومبىرانىڭ قوڭىر ٷنٸ قاراتال ٶزەنٸنٸڭ جاعاسىندا ەرەكشە ەسەرمەن قالىقتادى. وسىنداي مازمۇندى مەدەني شارالار قوعامنىڭ رۋحاني ەلەمٸن بايىتىپ, ۇلتتىق ٶنەرٸمٸزدٸڭ ٶمٸرشەڭدٸگٸن تاعى بٸر مەرتە دەلەلدەيدٸ, – دەدٸ ول.
