Memleket basshysy Qasym-Jomart Toqaev 2025 jyly 18 naýryzda "Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly" Jarlyqqa qol qoidy. Oǵan sáikes Qazaqstan Respýblikasynyń Atom energiiasy jónindegi agenttigi quryldy, dep habarlaidy Dalanews.kz.
Sondai-aq Memleket basshysynyń Jarlyǵymen Almasadam Sátqaliev Qazaqstan Respýblikasy Atom energiiasy jónindegi agenttiginiń tóraǵasy bolyp taǵaiyndaldy, ol burynǵy atqarǵan laýazymynan bosatyldy.
Aqordanyń baspasóz qyzmeti atalǵan Jarlyq mátinin jariia etti:
Qazaqstan Respýblikasy Konstitýtsiiasynyń 44-babynyń 5) tarmaqshasyna sáikes atom salasyn odan ári damytý jáne iadrolyq qaýipsizdikti nyǵaitý maqsatynda QAÝLY ETEMIN:
1. Qazaqstan Respýblikasy Energetika ministrliginiń ýran óndirý bóliginde jer qoinaýyn paidalaný, atom energiiasyn paidalaný, halyqtyń radiatsiialyq qaýipsizdigin qamtamasyz etý, Semei iadrolyq qaýipsizdik aimaǵyn qurý jáne onyń jumys isteýi salalaryndaǵy fýnktsiialaryn jáne ókilettikterin bere otyryp, Qazaqstan Respýblikasynyń Prezidentine tikelei baǵynatyn jáne esep beretin memlekettik organ retinde Qazaqstan Respýblikasynyń Atom energiiasy jónindegi agenttigi (budan ári – agenttik) qurylsyn.
2. Agenttik beriletin fýnktsiialar men ókilettikter sheginde Qazaqstan Respýblikasy Energetika ministrliginiń quqyqtary men mindettemeleriniń quqyqtyq mirasqory bolyp aiqyndalsyn.
3. "Qazaqstan Respýblikasy Prezidentiniń Ákimshiligi týraly erejeni bekitý týraly" Qazaqstan Respýblikasy Prezidentiniń 2008 jylǵy 11 naýryzdaǵy № 552 Jarlyǵyna mynadai tolyqtyrý engizilsin:
- joǵaryda atalǵan Jarlyqpen bekitilgen Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń tizbesinde mynadai mazmundaǵy jolmen tolyqtyrylsyn:
"Qazaqstan Respýblikasynyń Atom energiiasy jónindegi agenttigi".
4. Qazaqstan Respýblikasy Prezidentiniń Ákimshiligi:
1) Qazaqstan Respýblikasy Prezidentiniń qaraýyna:
Agenttik tóraǵasymen birlesip agenttik týraly erejeniń jáne onyń qurylymynyń jobalaryn;
- Qazaqstan Respýblikasynyń Úkimetimen birlesip Qazaqstan Respýblikasynyń Energetika ministrliginen jáne tiisti vedomstvolyq baǵynysty uiymdardan shtat sanyn agenttikke qaita bólý jónindegi usynystardy engizsin;
2) osy Jarlyqty iske asyrý jóninde ózge de sharalardy qabyldasyn.
5. Qazaqstan Respýblikasynyń Úkimeti:
1) Qazaqstan Respýblikasy Prezidenti Ákimshiliginiń kelisýi boiynsha Qazaqstan Respýblikasy Energetika ministrliginiń jáne tiisti vedomstvolyq baǵynysty uiymdardyń shtat sanyn qaita bólýdi;
2) osy Jarlyqty iske asyrý jóninde ózge de sharalardyń qabyldanýyn qamtamasyz etsin.
6. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
7. Osy Jarlyq qol qoiylǵan kúninen bastap qoldanysqa engiziledi.
