Obýhovskoe ken orny satylymǵa qoiyldy. Bul týraly Ónerkásip jáne qurylys ministrligi málim etti, - dep habarlaidy Dalanews.kz.
Aýktsion 15 mamyrda bastalady. Qatysýǵa ótinishter 26 naýryz ben 25 sáýir aralyǵynda qabyldanady.
Áleýetti jer qoinaýyn paidalanýshynyń aldyndaǵy mindettemeler retinde Soltústik Qazaqstan oblysynyń ákimdigimen kelisilgen jumys oryndaryn, áleýmettik paketti jáne jalaqyny saqtaý kórsetilgen.
Mindettemelerge sonymen qatar mynalar kiredi: metallýrgiia ónimderin óz óndirisinde óńdeý jáne óndirý nemese elde zaýyt salý; eksporttyq baǵadan aspaityn baǵa boiynsha otandyq kásiporyndardyń suranystary sheńberinde shikizatty (kontsentratty) qamtamasyz etý; ken ornyn tereńdete igerýdi qamtamasyz etý, jer asty sýlaryna áserin joiý jáne sýdy qorǵaý sharalaryn júrgizý.
Jańa menshik iesi burynǵy paidalanýshynyń jer qoinaýyn paidalaný saldaryn joiýǵa tiis. Sonymen qatar, oblystyń áleýmettik-ekonomikalyq damýyna keminde 38 000 AEK (140,2 mln. teńge) kóleminde jarnalar engizýi kerek.
