8-10 tamyz aralyǵynda Qazaqstannyń basym bóliginde ystyq ári qurǵaq aýa raiy saqtalady. Bul týraly «Qazgidromet» sinoptikteri málimdedi, dep habarlaidy dalanews.kz.
Mamandardyń boljamynsha, aldaǵy kúnderi soltústik jáne shyǵys óńirlerde aýa temperatýrasy +35...+39 gradýsqa deiin jylynady.
Ońtústik oblystarda kún odan ári ysyp, +35...+41 gradýsqa deiin jetedi. Batys jáne ortalyq aimaqtarda da aptap ystyq saqtalyp, kei jerlerde aýa temperatýrasy +41 gradýsqa deiin kóteriledi.
Sonymen qatar, kezeń sońynda elimizdiń batysy men soltústik-batysynda jańbyr jaýyp, naizaǵai oinaýy múmkin. Kei óńirlerde jel kúsheiip, burshaq túsý yqtimaldyǵy bar.
Sinoptikter turǵyndarǵa kúnniń eń ystyq ýaqytynda saqtyq sharalaryn saqtap, múmkindiginshe kóleńkede bolýǵa keńes beredi.
