Shilde aiyndaǵy aptap ystyqtyń saldarynan Qazaqstannyń birqatar óńirinde tsement-beton joldardyń taqtalary qaitadan kóterilip, jol jabyny búline bastady, dep habarlaidy dalanews.kz.
Kolesa.kz málimetinshe, mundai jaǵdai ótken aptanyń sońynda Shymkent – Ózbekstan shekarasy baǵytyndaǵy respýblikalyq mańyzy bar tasjolda tirkeldi.
"QazAvtoJol" ulttyq kompaniiasynyń málimetinshe, sońǵy birneshe kúnde júrgizilgen josparly tekserýler kezinde beton taqtalary kóterilgen alty ýchaske anyqtalǵan. Aqaýlardy joiý jumystaryna 50-den astam jumysshy men arnaiy tehnika jumyldyrylyp, joldar qysqa ýaqyt ishinde qalypqa keltirildi.
Kompaniia qazirgi ýaqytta respýblikalyq mańyzy bar tsement-beton joldardyń jaǵdaiy táýlik boiy baqylaýda ekenin málimdedi.
