QR Prezidenti Is basqarmasy Meditsinalyq ortalyǵynyń aýrýhanasynda alǵash ret el tarihynda jáne Ortalyq Aziiada júrekke robottandyrylǵan operatsiia júrgizilgeni málimdendi, dep habarlaidy Dalanews.kz medortalyqtyń baspasóz qyzmetine silteme jasap.
— Operatsiiany Meditsinalyq ortalyqtyń aýrýhanasynyń kardiohirýrgtary Qytai Halyq Respýblikasynan kelgen mamandar tobynyń qatysýymen Halyqaralyq ǵylymi-tájiribelik konferentsiia aiasynda júrgizdi. Patsient 28 jasta, júrektiń týa bitken aqaýy— predserdiearalyq perdeniń kemistigi; operatsiia sońǵy býyndaǵy robottandyrylǵan hirýrgiialyq júieni paidalana otyryp jasaldy. Operatsiia minimaldy qoljetimdilik arqyly, dástúrli sternotomiiasyz júrgizildi. Patsienttiń jaǵdaiy turaqty dep baǵalanyp otyr, — delingen habarlamada.
