ҚР Президенті Іс басқармасы Медициналық орталығының ауруханасында алғаш рет ел тарихында және Орталық Азияда жүрекке роботтандырылған операция жүргізілгені мәлімденді, деп хабарлайды Dalanews.kz медорталықтың баспасөз қызметіне сілтеме жасап.
— Операцияны Медициналық орталықтың ауруханасының кардиохирургтары Қытай Халық Республикасынан келген мамандар тобының қатысуымен Халықаралық ғылыми-тәжірибелік конференция аясында жүргізді. Пациент 28 жаста, жүректің туа біткен ақауы— предсердиеаралық перденің кемістігі; операция соңғы буындағы роботтандырылған хирургиялық жүйені пайдалана отырып жасалды. Операция минималды қолжетімділік арқылы, дәстүрлі стернотомиясыз жүргізілді. Пациенттің жағдайы тұрақты деп бағаланып отыр, — делінген хабарламада.
