ق ر پرەزيدەنتى ءىس باسقارماسى مەديسينالىق ورتالىعىنىڭ اۋرۋحاناسىندا العاش رەت ەل تاريحىندا جانە ورتالىق ازيادا جۇرەككە روبوتتاندىرىلعان وپەراسيا جۇرگىزىلگەنى مالىمدەندى، دەپ حابارلايدى Dalanews.kz مەدورتالىقتىڭ باسپا ءسوز قىزمەتىنە سىلتەمە جاساپ.
— وپەراسيانى مەديسينالىق ورتالىقتىڭ اۋرۋحاناسىنىڭ كارديوحيرۋرگتارى جۇڭگو حالىق رەسپۋبليكاسىنان كەلگەن ماماندار توبىنىڭ قاتىسۋىمەن حالىقارالىق عىلىمي-تاجىريبەلىك كونفەرەنسيا اياسىندا جۇرگىزدى. پاسيەنت 28 جاستا، جۇرەكتىڭ تۋا بىتكەن اقاۋى— پرەدسەرديەارالىق پەردەنىڭ كەمىستىگى؛ وپەراسيا سوڭعى بۋىنداعى روبوتتاندىرىلعان حيرۋرگيالىق جۇيەنى پايدالانا وتىرىپ جاسالدى. وپەراسيا مينيمالدى قولجەتىمدىلىك ارقىلى، ءداستۇرلى ستەرنوتومياسىز جۇرگىزىلدى. پاسيەنتتىڭ جاعدايى تۇراقتى دەپ باعالانىپ وتىر، — دەلىنگەن حابارلامادا.
