"Rosatomnyń" bas direktory Aleksei Lihachev pen atalǵan reseilik memlekettik korporatsiianyń birqatar top-menedjerleri AQSh Qarjy ministrligi jariialaǵan Sdn-List-ke (buǵattaýǵa nemese shekteýge jatatyn aiyryqsha kórsetilgen tulǵalar tizimi) endi. Al Reseidiń bul kompaniiasy Qazaqstan úkimetiniń elimizde atom elektr stantsiiasyn salý jónindegi konsortsiýmynyń áleýetti qatysýshylar tiziminde baryn basa atai ketelik, dep jazady Dalanews.kz.
Interfakstyń málimetinshe, bul tizimde Aleksei Lihachevten bólek onyń birinshi orynbasarlary Kirill Komarov pen Aleksandr Lokshin, sondai-aq bas direktordyń úsh orynbasary: mashina jasaý boiynsha – Andrei Nikipelov, ekonomika jáne qarjy boiynsha - Ilia Rebrov, Sevmorpýt direktsiiasynyń direktory Viacheslav Rýksha da bar.
Buryn "Rosatomanyń" ártúrli qurylymdary batys sanktsiialaryna ushyraǵan. Atap aitqanda, amerikalyq SDN list tizimine Umatex, "Rýsatom Oversiz", "Atomflot", "Rosatom tsifrlyq sheshimderi", "Rosatom Mikroelektronika"engizildi. Ulybritaniia "Rosatomnyń" Bas direktory Aleksei Lihachevke, "Atomflotqa" jáne "Renera" kompaniialaryna qatysty sanktsiialar engizdi.
Al 2028 jyldan bastap Resei ýranyn AQSh-qa importtaýǵa tyiym salynbaq. Buǵan jaýap retinde qarasha aiynda Resei úkimeti baiytylǵan ýrannyń AQSh-qa eksportyn ýaqytsha shektedi.
Al bul jaǵymsyz habar "Rosatomnyń" josparlaryna keri áser ete alady ma? Kompaniianyń ózi bul rette bylai deidi:
"Reseidiń memlekettik korporatsiiasy - "Rosatom" basshylyǵyna qatysty engizilgen sanktsiialar "negizsiz" jáne "zańsyz". Búgingi tańda "Rosatom" halyqaralyq naryqtaǵy atom energetikalyq tehnologiialary eksportynyń álemdik kóshbasshysy retinde tanylady, sondyqtan sanktsiialar dostas emes memleketter tarapynan josyqsyz básekelestiktiń elementi retinde qabyldanady. "Rosatom" kompaniiasynyń "kúsheitilgen sanktsiialyq qysym" rejiminde ómir súrip jatqanyna úsh jyldyń júzi boldy. Sondyqtan biz oǵan beiimdelip, kez-kelgen damýǵa daiynbyz. "Rosatom" "seriktester aldynda alǵan mindettemelerin tolyq kólemde oryndaýdy jalǵastyratyn bolady".
Aita ketsek, 2024 jyly 17 jeltoqsanda "Rosatomnyń" "Qazatomónerkásippen" birlesken kásiporyndardaǵy keibir úlesterin satyp jatqany málim boldy. "Rosatom" memlekettik korporatsiiasynyń kompaniialar tobyna kiretin "Ýraniým Ýan Grýp" AQ "Zarechnoe" BK" AQ-taǵy ózine tiesili 49,979%, "Horasan-U-daǵy" 30% jáne "Qyzyl qumdaǵy" 30% úlesin qytailyq kompaniialarǵa satty. Búginderi sheteldik sarapshylar buǵan "Qazatomónekásiptiń" Batys sanktsiialaryna ushyraý yqtimaldylyǵynan qorqyp, "Rosatomǵa" ótinish jasaýy túrtki bolýy múmkin degen boljamdy aitady.
