Elimizde alǵashqy atom elektr stansıasy salynatyn oryn anyqtaldy, dep habarlaıdy Dalanews.kz.
AES Almaty oblysyndaǵy Jambyl aýdanynda salynbaq.
«Almaty oblysynyń Jambyl aýdany – «Atom elektr stansıasy» ıadrolyq qondyrǵysy salynatyn aýdan týraly sheshim qabyldansyn», - delingen Úkimet qaýlysynda.
Bul sheshim 2024 jylǵy 30 jeltoqsanda qabyldanǵan edi.
Alaıda qujat resmı túrde búgin ıaǵnı 25 aqpanda kúshine enedi.
Eske salaıyq, buǵan deıin AES qurylysy boıynsha tórt kompanıamen dıalog aıaqtalǵan bolatyn.
"Rosatom" memlekettik korporasıasy KHNP (Koreıa), CNNC ( Qytaı) jáne EDF (Fransıa) kompanıalarymen qatar Qazaqstanda atom elektr stansıasyn salý úshin tehnologıalardy áleýetti jetkizýshilerdiń qysqa tizimine endi.
2025 jylǵy 21 qańtarda QR Energetıka mınıstri Almasadam Sátqalıev bastaǵan qazaqstandyq delegasıa Reseı Federasıasyna jumys saparymen bardy. Bul sapar tenderge qatysýshylardyń usynystaryn baǵalaýǵa baǵyttalǵan kelissózder serıasynyń sońǵy kezeńi boldy.
Buǵan deıin, 2024 jyldyń qazanynan jeltoqsanyna deıin Koreıa Respýblıkasyna, Fransıa Respýblıkasyna jáne Qytaı Halyq Respýblıkasyna osyndaı saparlar bolǵan.
