ەلىمىزدە العاشقى اتوم ەلەكتر ستانسياسى سالىناتىن ورىن انىقتالدى، دەپ حابارلايدى Dalanews.kz.
اەس الماتى وبلىسىنداعى جامبىل اۋدانىندا سالىنباق.
«الماتى وبلىسىنىڭ جامبىل اۋدانى – «اتوم ەلەكتر ستانسياسى» يادرولىق قوندىرعىسى سالىناتىن اۋدان تۋرالى شەشىم قابىلدانسىن»، - دەلىنگەن ۇكىمەت قاۋلىسىندا.
بۇل شەشىم 2024 جىلعى 30 جەلتوقساندا قابىلدانعان ەدى.
الايدا قۇجات رەسمي تۇردە بۇگىن ياعني 25 اقپاندا كۇشىنە ەنەدى.
ەسكە سالايىق، بۇعان دەيىن اەس قۇرىلىسى بويىنشا ءتورت كومپانيامەن ديالوگ اياقتالعان بولاتىن.
"روساتوم" مەملەكەتتىك كورپوراسياسى KHNP (كورەيا)، CNNC ( جۇڭگو) جانە EDF (فرانسيا) كومپانيالارىمەن قاتار قازاقستاندا اتوم ەلەكتر ستانسياسىن سالۋ ءۇشىن تەحنولوگيالاردى الەۋەتتى جەتكىزۋشىلەردىڭ قىسقا تىزىمىنە ەندى.
2025 جىلعى 21 قاڭتاردا ق ر ەنەرگەتيكا ءمينيسترى الماسادام ساتقالييەۆ باستاعان قازاقستاندىق دەلەگاسيا رەسەي فەدەراسياسىنا جۇمىس ساپارىمەن باردى. بۇل ساپار تەندەرگە قاتىسۋشىلاردىڭ ۇسىنىستارىن باعالاۋعا باعىتتالعان كەلىسسوزدەر سەرياسىنىڭ سوڭعى كەزەڭى بولدى.
بۇعان دەيىن، 2024 جىلدىڭ قازانىنان جەلتوقسانىنا دەيىن كورەيا رەسپۋبليكاسىنا، فرانسيا رەسپۋبليكاسىنا جانە جۇڭگو حالىق رەسپۋبليكاسىنا وسىنداي ساپارلار بولعان.
