Idýstriia jáne qurylys ministri Qanat Sharlapaev 7 paiyzdyq jańa turǵyn úi baǵdarlamasynyń sharty 1 mamyrda jariialanatynyn málimdedi, dep habarlaidy Dalanews.kz.
Aitýynsha, baǵdarlamany júzege asyrý maqsatynda «Otbasy banki» 300 milliard teńge tartýda.
"Bul – baǵdarlamanyń jalpy somasy. Halyqtyń áleýmettik osal toptary úshin mólsherleme 7 paiyzdan aspaidy. 1 mamyrda biz baǵdarlamanyń barlyq sharttaryn tolyqtai habarlaimyz. Baǵdarlama 1 mamyrdan bastalady", - dedi Qanat Sharlapaev Úkimet otyrysynda.
Osy tusta, ministr «Otbasy banki» uzaq ýaqyt boiy jumys istep kele jatqanyn jáne ipotekalyq nesielerdi taratýda ózin jaqsy kórsete bilgenin atap ótti.
Eske salaiyq, buǵan deiin Qazaqstanda jańa ipotekalyq baǵdarlamanyń iske qosylatyny habarlanǵan bolatyn. Baǵdarlama aiasynda 12 myń muqtaj otbasy baspanamen qamtamasyz etilýi múmkin.
