يدۋستريا جانە قۇرىلىس ءمينيسترى قانات شارلاپايەۆ 7 پايىزدىق جاڭا تۇرعىن ءۇي باعدارلاماسىنىڭ شارتى 1 مامىردا جاريالاناتىنىن مالىمدەدى، دەپ حابارلايدى Dalanews.kz.
ايتۋىنشا، باعدارلامانى جۇزەگە اسىرۋ ماقساتىندا «وتباسى بانكى» 300 ميلليارد تەڭگە تارتۋدا.
"بۇل – باعدارلامانىڭ جالپى سوماسى. حالىقتىڭ الەۋمەتتىك وسال توپتارى ءۇشىن مولشەرلەمە 7 پايىزدان اسپايدى. 1 مامىردا ءبىز باعدارلامانىڭ بارلىق شارتتارىن تولىقتاي حابارلايمىز. باعدارلاما 1 مامىردان باستالادى"، - دەدى قانات شارلاپايەۆ ۇكىمەت وتىرىسىندا.
وسى تۇستا، مينيستر «وتباسى بانكى» ۇزاق ۋاقىت بويى جۇمىس ىستەپ كەلە جاتقانىن جانە يپوتەكالىق نەسيەلەردى تاراتۋدا ءوزىن جاقسى كورسەتە بىلگەنىن اتاپ ءوتتى.
ەسكە سالايىق، بۇعان دەيىن قازاقستاندا جاڭا يپوتەكالىق باعدارلامانىڭ ىسكە قوسىلاتىنى حابارلانعان بولاتىن. باعدارلاما اياسىندا 12 مىڭ مۇقتاج وتباسى باسپانامەن قامتاماسىز ەتىلۋى مۇمكىن.
