Qazaqstan boiynsha eńbek inspektorlary júrgizgen tekseristerdiń nátijesinde 257 kásiporynda jalaqy berýde zańbuzýshylyqtar anyqtaldy, dep habarlaidy Dalanews.kz.
Belgili bolǵandai, 3,7 myńnan astam qyzmetker eńbekaqysyn uzaq ýaqyt boiy ala almaǵan. Jumys berýshilerdiń jalaqy boiynsha jalpy bereshegi 1,4 mlrd teńgeden asqan.
Ministrliktiń málimetinshe, qabyldanǵan sharalardyń arqasynda 3 437 jumysshyǵa eńbekaqysy tólendi. Sonymen qatar eńbek inspektorlary kásiporyn basshylaryna jalaqyny ýaqytyly óteý úshin arnaiy qatań keste bekitip bergen.
