Qaýipsizdik keńesiniń otyrysynda Qasym-Jomart Toqaev kúmándi qarjy aǵyndary quqyq qorǵaý organdarynyń nazarynan tys qalmas úshin olardy baqylaý qajettiligine nazar aýdardy. Osy jumys aiasynda "aqsha izine túsý"qaǵidaty boiynsha esirtki biznesin uiymdastyrýshylardyń múlki men tsifrlyq aktivterin alyp qoiýdyń jańa ádistemesi ázirlendi. Arnaiy prokýrorlar osy ádistemeni qoldana otyryp, bes óńirde 9 milliardtan astam teńgeni quraǵan qylmystyq isterdi tergep-tekserýde, dep habarlaidy Dalanews.kz.
Bul týraly elimizdiń Bas prokýrory Berik Asylov X jelisindegi paraqshasynda jazdy.
Máselen, Aqtaý men Shymkentte uiymdasqan qylmystyq toptyń 9 múshesi 2,3 milliard teńgeni (1,2 milliard qolma-qol aqsha jáne 1,1 milliard bank shottarynda) qolma-qol aqshaǵa ainaldyrý kezinde ustalyp, olardan iri kólemde esirtki alyndy. Ulytaý oblysynda quny 6 million dollar bolatyn kriptovaliýtaǵa tyiym salyndy.
Astanada birneshe esirtki dúkenderi jumys jasaýynyń jolyn kesip, quny 3,8 million dollar (88 ámiian) turatyn kriptovaliýtany tyiym salýsharalary qolǵa alyndy. Shetelde jasyrynǵan uiymdastyrýshylar ustaldy.
"Shymkentte arnaiy prokýrorlar AQSh-tyń Esirtkige qarsy kúres basqarmasynyń iri esirtki dúkeni boiynsha qyzmetkerleriniń kómegimen onyń sheteldik aǵyndaryn, sonyń ishinde kriptovaliýtany jyldam qadaǵalap, 70 milliard teńgege 500 myń tranzaktsiiasyn anyqtady, 2 astyrtyn zerthanany joiyp, 24 qatysýshyny qamaýǵa aldy", delingen jazbada.
UQK men politsiia qyzmetkerleri kriptovaliýtada 12 million dollar quraityn osyndai isti tergep-tekserýde. Barlyq esirtki saýdasy internette jalǵan shottardy, kriptovaliýtalardy jáne P2P tólemderin paidalana otyryp júzege asyrylatynyn eskere otyryp, esirtki qylmysyna qarsy kúreste IT-tehnologiialar qoldanylady.
"Esirtkige qatysty barlyq qylmystyq ister boiynsha "dropper" tranzaktsiialaryn buǵattaý algoritmi jumys isteidi. Jyl basynan beri quny 2,3 mlrd teńge bolatyn 85 myńnan astam kartaǵa tyiym salyndy. Jalpy alǵanda, arnaiy prokýrorlardyń isterimen birge esirtki isteri boiynsha tyiym salynǵan aktivterdiń somasy 11,5 milliard teńgeden asady", dep sózin qorytady Bas prokýror.
Buǵan deiin Qasym-Jomart Toqaevtyń Qaýipsizdik keńesi otyrysynda bergen tapsyrmalaryn oryndaý sheńberinde premer-ministrdiń ókimimen Nashaqorlyq profilaktikasy jáne esirtki qylmysyna qarsy is-qimyl boiynsha memlekettik organdardyń qyzmetin úilestirý jónindegi respýblikalyq shtab qurylǵany belgili.
