Belgili saiasattanýshy Andrei Chebotarev Qazaqstannyń 2025 jylǵy saiasi ómirindegi kútiletin top-10 oqiǵany tizip shyqty, - dep habarlaidy Dalanews.kz.
Birinshisi - aýdan jáne oblystyq mańyzy bar qalalardyń ákimderin tikelei sailaýdy bir ýaqytta nemese kezeń-kezeńimen ótkizý. 2025 jyldan bastap aýdan jáne oblystyq mańyzy bar qala ákimderi de sailanady. Bul týraly qazaqstandyqtarǵa joldaýynda prezident Qasym-Jomart Toqaev aitqan bolatyn.
Ekinshisi - Qazaqstan Respýblikasy Prezidenti janyndaǵy Ulttyq quryltaidyń tórtinshi otyrysyn ótkizý jáne eldi odan ári jańǵyrtý aiasynda naqty bastamalardy belgileý. Biyl tórtinshi Ulttyq quryltai Kókshetaýda ótedi. Bul týraly Qasym-Jomart Toqaev 2024 jyly naýryzda ótken úshinshi Ulttyq quryltaida málimdedi.
Úshinshisi - Memleket basshysy Qasym-Jomart Toqaevtyń qatysýymen úkimettiń keńeitilgen otyrysyn ótkizý. Aita keteiik, byltyr úkimettiń keńeitilgen otyrysy 7 aqpanda ótken bolatyn.
Tórtinshi saiasi oqiǵa - Memleket basshysy Qasym-Jomart Toqaevtyń Qazaqstan halqyna kezekti Joldaýyn jariialaýy. Ádette prezident Joldaýdy 1 qyrkúiekte jasaidy.
Besinshi - AES salý boiynsha halyqaralyq konsortsiým qurý. Qazaqstanda atom elektr stantsiiasyn salý jónindegi konsortsiýmǵa qatysatyn elder 2025 jyly belgili bolady. Premer-ministrdiń birinshi orynbasary Roman Skliar byltyr 8 qazanda úkimette ótken brifingide osylai dep málimdedi. Ol konsortsiýmǵa eń kóp degende bes el kiredi degen boljam aitty.
Altynshysy - UQK-niń besinshi departamentiniń burynǵy basshysy Rýslan Ysqaqov, qylmys áleminiń serkesi Arman Jumageldiev jáne taǵy basqa isi boiynsha sot protsesiniń aiaqtalýy. Qazirgi tańda bul ister boiynsha sot protsesteri júrip jatyr.
Jetinshi - Sherzat Bolatty óltirý isi boiynsha sot protsesi, sot ashyq rejimde ótýi múmkin. Byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat qaitys boldy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
