بەلگٸلٸ ساياساتتانۋشى اندرەي چەبوتارەۆ قازاقستاننىڭ 2025 جىلعى ساياسي ٶمٸرٸندەگٸ كٷتٸلەتٸن توپ-10 وقيعانى تٸزٸپ شىقتى, - دەپ حابارلايدى Dalanews.kz.
بٸرٸنشٸسٸ - اۋدان جەنە وبلىستىق ماڭىزى بار قالالاردىڭ ەكٸمدەرٸن تٸكەلەي سايلاۋدى بٸر ۋاقىتتا نەمەسە كەزەڭ-كەزەڭٸمەن ٶتكٸزۋ. 2025 جىلدان باستاپ اۋدان جەنە وبلىستىق ماڭىزى بار قالا ەكٸمدەرٸ دە سايلانادى. بۇل تۋرالى قازاقستاندىقتارعا جولداۋىندا پرەزيدەنت قاسىم-جومارت توقاەۆ ايتقان بولاتىن.
ەكٸنشٸسٸ - قازاقستان رەسپۋبليكاسى پرەزيدەنتٸ جانىنداعى ۇلتتىق قۇرىلتايدىڭ تٶرتٸنشٸ وتىرىسىن ٶتكٸزۋ جەنە ەلدٸ ودان ەرٸ جاڭعىرتۋ اياسىندا ناقتى باستامالاردى بەلگٸلەۋ. بيىل تٶرتٸنشٸ ۇلتتىق قۇرىلتاي كٶكشەتاۋدا ٶتەدٸ. بۇل تۋرالى قاسىم-جومارت توقاەۆ 2024 جىلى ناۋرىزدا ٶتكەن ٷشٸنشٸ ۇلتتىق قۇرىلتايدا مەلٸمدەدٸ.
ٷشٸنشٸسٸ - مەملەكەت باسشىسى قاسىم-جومارت توقاەۆتىڭ قاتىسۋىمەن ٷكٸمەتتٸڭ كەڭەيتٸلگەن وتىرىسىن ٶتكٸزۋ. ايتا كەتەيٸك, بىلتىر ٷكٸمەتتٸڭ كەڭەيتٸلگەن وتىرىسى 7 اقپاندا ٶتكەن بولاتىن.
تٶرتٸنشٸ ساياسي وقيعا - مەملەكەت باسشىسى قاسىم-جومارت توقاەۆتىڭ قازاقستان حالقىنا كەزەكتٸ جولداۋىن جارييالاۋى. ەدەتتە پرەزيدەنت جولداۋدى 1 قىركٷيەكتە جاسايدى.
بەسٸنشٸ - اەس سالۋ بويىنشا حالىقارالىق كونسورتسيۋم قۇرۋ. قازاقستاندا اتوم ەلەكتر ستانتسيياسىن سالۋ جٶنٸندەگٸ كونسورتسيۋمعا قاتىساتىن ەلدەر 2025 جىلى بەلگٸلٸ بولادى. پرەمەر-مينيستردٸڭ بٸرٸنشٸ ورىنباسارى رومان سكليار بىلتىر 8 قازاندا ٷكٸمەتتە ٶتكەن بريفينگٸدە وسىلاي دەپ مەلٸمدەدٸ. ول كونسورتسيۋمعا ەڭ كٶپ دەگەندە بەس ەل كٸرەدٸ دەگەن بولجام ايتتى.
التىنشىسى - ۇقك-نٸڭ بەسٸنشٸ دەپارتامەنتٸنٸڭ بۇرىنعى باسشىسى رۋسلان ىسقاقوۆ, قىلمىس ەلەمٸنٸڭ سەركەسٸ ارمان جۇماگەلديەۆ جەنە تاعى باسقا ٸسٸ بويىنشا سوت پروتسەسٸنٸڭ اياقتالۋى. قازٸرگٸ تاڭدا بۇل ٸستەر بويىنشا سوت پروتسەستەرٸ جٷرٸپ جاتىر.
جەتٸنشٸ - شەرزات بولاتتى ٶلتٸرۋ ٸسٸ بويىنشا سوت پروتسەسٸ, سوت اشىق رەجيمدە ٶتۋٸ مٷمكٸن. بىلتىر تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم شەرزات بولات قايتىس بولدى. جانجال جٸگٸتتٸڭ وتباسى جالعا الاتىن دٷكەننەن باستالعان. تۋىستارىنىڭ ايتۋىنشا, ساۋدا نٷكتەسٸنە كەلگەن ساتىپ الۋشى سىرا الىپ, اقشاسىن تٶلەۋدەن باس تارتقان. وسى جاعدايدان كەيٸن تٶبەلەس باستالعان.
