Qazaqstanda 180 million teńge negizsiz jumsala jazdaǵan,-dep habarlaidy Dalanews.kz.
Mádeniet jáne aqparat ministrligi buqaralyq aqparat quraldarynda memlekettik aqparattyq saiasatty júrgizý úshin satyp alynatyn qyzmetterdiń bazalyq baǵalaryn bekitti.
Aqparattyq materialdy gazetke ornalastyrý baǵasy (1 sharshy sm úshin) 400 teńgeni, internet-resýrstarda ornalastyrý úshin (1 tańba úshin) 38 teńgeni, teledidarda bir minýt ishinde 39 500 teńge mólsherin quraidy.
Bul rette oblystyń Aqparat jáne qoǵamdyq damý basqarmasy atalǵan qyzmetterdi negizsiz joǵary baǵamen satyp alyp otyrǵan.
Mysaly, gazetterde ornalastyrǵan úshin quny 3,5 ese (baǵasy 1447 teńge), internet-resýrstarda 7 ese (270 teńge), teledidarda 16 ese (633 862 teńge) qymbattatylǵan.
Prokýrorlyq den qoiý sharalarymen BAQ qyzmetteriniń bazalyq baǵasy qaita qaraldy, biýdjet qarajaty 180 mln teńgege únemdeldi, laýazymdy tulǵalar qatań tártiptik jazaǵa tartyldy.
