قازاقستاندا 180 ميلليون تەڭگە نەگىزسىز جۇمسالا جازداعان،-دەپ حابارلايدى Dalanews.kz.
مادەنيەت جانە اقپارات مينيسترلىگى بۇقارالىق اقپارات قۇرالدارىندا مەملەكەتتىك اقپاراتتىق ساياساتتى جۇرگىزۋ ءۇشىن ساتىپ الىناتىن قىزمەتتەردىڭ بازالىق باعالارىن بەكىتتى.
اقپاراتتىق ماتەريالدى گازەتكە ورنالاستىرۋ باعاسى (1 شارشى سم ءۇشىن) 400 تەڭگەنى، ينتەرنەت-رەسۋرستاردا ورنالاستىرۋ ءۇشىن (1 تاڭبا ءۇشىن) 38 تەڭگەنى، تەلەديداردا ءبىر مينۋت ىشىندە 39 500 تەڭگە مولشەرىن قۇرايدى.
بۇل رەتتە وبلىستىڭ اقپارات جانە قوعامدىق دامۋ باسقارماسى اتالعان قىزمەتتەردى نەگىزسىز جوعارى باعامەن ساتىپ الىپ وتىرعان.
مىسالى، گازەتتەردە ورنالاستىرعان ءۇشىن قۇنى 3،5 ەسە (باعاسى 1447 تەڭگە)، ينتەرنەت-رەسۋرستاردا 7 ەسە (270 تەڭگە)، تەلەديداردا 16 ەسە (633 862 تەڭگە) قىمباتتاتىلعان.
پروكۋرورلىق دەن قويۋ شارالارىمەن ب ا ق قىزمەتتەرىنىڭ بازالىق باعاسى قايتا قارالدى، بيۋدجەت قاراجاتى 180 ملن تەڭگەگە ۇنەمدەلدى، لاۋازىمدى تۇلعالار قاتاڭ تارتىپتىك جازاعا تارتىلدى.
