Qazaqstanda 1 maýsymnan bastap avtokólik ieleri úshin mindetti saqtandyrý quny qymbattaidy. Bul týraly jýrnalist Rashit Iliiasov málimdedi. Onyń aitýynsha, ózgerister bonýs-malýs júiesine engizilgen jańa tártippen bailanysty, dep habarlaidy dalanews.kz.
Jýrnalistiń sózinshe, buǵan deiin saqtandyrýdaǵy jeńildik jyl saiyn 5 paiyzdyq qadammen berilse, endi bul kórsetkish 3 paiyzǵa deiin tómendetilgen. Sonyń saldarynan eń joǵary – 13-klasta turǵan júrgizýshilerge qoldanylatyn koeffitsient ózgerip, saqtandyrý baǵasy ósedi.
“Mysaly, meniń saqtandyrýym bar. Qazir men 13-klastamyn. Búginde saqtandyrý polisi 18 myń teńge turady. Al jańa qaýly kúshine engennen keiin ol shamamen 25 myń teńgege deiin qymbattaidy. Iaǵni saqtandyrý baǵasy 40 paiyzǵa jýyq ósedi”, – dedi Rashit Iliiasov.
Sonymen qatar, endi saqtandyrý kompaniialaryna tarifterdi 10 paiyz kóleminde óz betinshe kóterýge nemese tómendetýge múmkindik beriledi. Bul rette júrgizýshiniń eńbek ótili, jol-kólik oqiǵasyna kináli bolýy jáne ózge de faktorlar eskeriledi.
Saqtandyrýshylar mundai ózgerister naryqtaǵy jaǵdaidy jaqsartady dep esepteidi.
“Buǵan deiin saqtandyrý naryǵy shamamen 199 mlrd teńge jinasa, endi bazalyq saqtandyrý syiaqysynyń ósýi men kompaniialardyń bul ónimge qyzyǵýshylyǵynyń artýy esebinen túsim kólemi kóbeiedi”, – dedi jýrnalist.
