قازاقستاندا 1 ماۋسىمنان باستاپ اۆتوكٶلٸك يەلەرٸ ٷشٸن مٸندەتتٸ ساقتاندىرۋ قۇنى قىمباتتايدى. بۇل تۋرالى جۋرناليست راشيت ٸليياسوۆ مەلٸمدەدٸ. ونىڭ ايتۋىنشا, ٶزگەرٸستەر بونۋس-مالۋس جٷيەسٸنە ەنگٸزٸلگەن جاڭا تەرتٸپپەن بايلانىستى, دەپ حابارلايدى dalanews.kz.
جۋرناليستٸڭ سٶزٸنشە, بۇعان دەيٸن ساقتاندىرۋداعى جەڭٸلدٸك جىل سايىن 5 پايىزدىق قاداممەن بەرٸلسە, ەندٸ بۇل كٶرسەتكٸش 3 پايىزعا دەيٸن تٶمەندەتٸلگەن. سونىڭ سالدارىنان ەڭ جوعارى – 13-كلاستا تۇرعان جٷرگٸزۋشٸلەرگە قولدانىلاتىن كوەففيتسيەنت ٶزگەرٸپ, ساقتاندىرۋ باعاسى ٶسەدٸ.
“مىسالى, مەنٸڭ ساقتاندىرۋىم بار. قازٸر مەن 13-كلاستامىن. بٷگٸندە ساقتاندىرۋ پوليسٸ 18 مىڭ تەڭگە تۇرادى. ال جاڭا قاۋلى كٷشٸنە ەنگەننەن كەيٸن ول شامامەن 25 مىڭ تەڭگەگە دەيٸن قىمباتتايدى. ياعني ساقتاندىرۋ باعاسى 40 پايىزعا جۋىق ٶسەدٸ”, – دەدٸ راشيت ٸليياسوۆ.
سونىمەن قاتار, ەندٸ ساقتاندىرۋ كومپانييالارىنا تاريفتەردٸ 10 پايىز كٶلەمٸندە ٶز بەتٸنشە كٶتەرۋگە نەمەسە تٶمەندەتۋگە مٷمكٸندٸك بەرٸلەدٸ. بۇل رەتتە جٷرگٸزۋشٸنٸڭ ەڭبەك ٶتٸلٸ, جول-كٶلٸك وقيعاسىنا كٸنەلٸ بولۋى جەنە ٶزگە دە فاكتورلار ەسكەرٸلەدٸ.
ساقتاندىرۋشىلار مۇنداي ٶزگەرٸستەر نارىقتاعى جاعدايدى جاقسارتادى دەپ ەسەپتەيدٸ.
“بۇعان دەيٸن ساقتاندىرۋ نارىعى شامامەن 199 ملرد تەڭگە جيناسا, ەندٸ بازالىق ساقتاندىرۋ سىياقىسىنىڭ ٶسۋٸ مەن كومپانييالاردىڭ بۇل ٶنٸمگە قىزىعۋشىلىعىنىڭ ارتۋى ەسەبٸنەن تٷسٸم كٶلەمٸ كٶبەيەدٸ”, – دەدٸ جۋرناليست.
