Elimizge resmi saparmen Kipr Respýblikasynyń prezidenti keldi, dep habarlaidy dalanews.kz.
Qazaqstan jáne Kipr prezidentteri shaǵyn quramda kelissóz júrgizdi.
"2019 jyly Syrtqy ister ministri laýazymyn atqaryp júrgenińizde elimizge kelip, Qazaqstannyń Eýropa Odaǵyndaǵy senimdi dosy ári qoldaýshysy retinde áreket etetinińizdi málimdegen edińiz. Búginde biz aitarlyqtai nátijege qol jetkizdik dep senimmen aitýǵa bolady. Memleketterimizdiń astanalarynda elshilikterimizdi ashtyq. Eki el arasynda tikelei áýe reisi iske qosyldy, basqa da birqatar mańyzdy joba júzege asyryldy. Degenmen ekijaqty yqpaldastyqty keńeitý úshin áleýetimiz jetkilikti dep oilaimyn. Óz tarapymnan kóptegen baǵytta yntymaqtastyǵymyzdy odan ári damytýǵa kúsh salýǵa daiynmyn", - dedi Qasym-Jomart Toqaev.
Nikos Hristodýlidis Qazaqstanǵa Kiprden tikelei qatynaityn alǵashqy reis arqyly iskerlik delegatsiia ókilderimen birge ushyp kelgenine óte qýanyshty ekenin málimdedi.
"Elderimizdiń áleýeti mol. Búgingi kelissózder ózara yntymaqtastyqty arttyrýǵa septigin tigizedi dep sanaimyn. Sondai-aq Qazaqstanǵa basqa laýazymda kelip otyrmyn. Qazirgi ýaqytta elimiz Eýropa Odaǵy Keńesine tóraǵalyq etip jatyr. Atalǵan óńirdiń mańyzyn jáne Qazaqstannyń erekshelikterin eskere otyryp, Eýropa Odaǵy men Qazaqstan arasyndaǵy yqpaldastyqty odan ári ilgeriletý joldaryn talqylaýǵa ázirmin", - dedi ol.
