Prezidenttiń Qyzylorda qalasynda ótken Ulttyq quryltaidyń V otyrysynda bergen tapsyrmasy aiasynda Jarkent meshiti men Voznesenskii hramy IýNESKO-nyń Búkilálemdik mura nysandarynyń aldyn ala tizimine (Tentative List) engizildi. Bul týraly Memlekettik keńesshi Erlan Karin Facebook paraqshasynda málimdedi, dep habarlaidy Dala news.
Onyń aitýynsha, Jarkent meshiti XIX ǵasyrdyń sońy dini sáýletiniń biregei eskertkishi sanalady. Ǵimarat islam sáýlet dástúri men Shyǵys Aziia qurylys óneriniń sintezin aiqyn kórsetedi.
Al Voznesenskii hramy injenerlik jáne kórkemdik sheshimderimen erekshelenetin, HH ǵasyr basyndaǵy pravoslavielik aǵash sáýlet óneriniń biregei úlgisi retinde baǵalanady.
Erlan Karinniń atap ótýinshe, eki nysannyń birlesip aldyn ala tizimge engizilýi Qazaqstannyń mádeni áralýandyǵyn aiǵaqtaidy. Sondai-aq bul Ortalyq Aziiada islam jáne hristian dástúrleri tarihi turǵyda qatar damyp, ózara yqpal etkenin kórsetedi.
Meshit pen hramnyń aldyn ala tizimge enýi – mádeni murany saqtaý jáne nasihattaý baǵytyndaǵy mańyzdy qadam. Bul sheshim IýNESKO talaptaryna sai nominatsiialyq qujattardy ázirleýge negiz bolady.
Aita keteiik, Jarkent meshiti 1895 jyly qytai sáýletshisi Hon Pike jobasymen salynǵan. 1982 jyldan beri respýblikalyq mańyzy bar tarih jáne sáýlet eskertkishi retinde memleket qorǵaýynda. Ǵimaratty salý barysynda aǵash qurylymdardy bekitýde shege qoldanylmaǵan. Búginde nysan Jetisý oblysy Panfilov aýdanyndaǵy sáýlet-kórkem mýzeii retinde jumys isteidi.
