Speedtest Global Index qarasha aiyndaǵy internet jyldamdyǵyna qatysty álemdik reitingti jariialady. Nátijege sáikes, mobildi internet sapasy boiynsha Qazaqstan bir saty tómendep, 46-orynǵa jaiǵasty. Eldegi mobildi internettiń ortasha júkteý jyldamdyǵy 93,07 Mbit/s deńgeiinde tirkeldi, dep habarlaidy Dalanews.kz.
Salystyrmaly túrde aitsaq, Japoniia bul kórsetkish boiynsha 62-orynda tur – 65,14 Mbit/s.
Mobildi internet jyldamdyǵy eń joǵary elder:
-
Birikken Arab Ámirlikteri – 672,68 Mbit/s
-
Katar – 542,56 Mbit/s
-
Kýveit – 398,66 Mbit/s
Al eń tómengi kórsetkish Boliviiada tirkelgen – 14,35 Mbit/s.
Tirkelgen keńjolaqty internet (fixed broadband) jyldamdyǵy reitingi boiynsha da Qazaqstannyń pozitsiiasy álsiredi. Bul sanatta el 91-orynǵa túsip, ortasha jyldamdyq 83,5 Mbit/s boldy. Al Japoniia 23-orynda ornalasyp, 229,84 Mbit/s nátijesin kórsetti.
Qalalar arasyndaǵy mobildi internet jyldamdyǵy reitingi:
-
Almaty – 63-oryn (127,79 Mbit/s)
-
Astana – 67-oryn (125,58 Mbit/s)
Salystyrý úshin, Tokio bul tizimde 90-orynǵa ǵana turaqtaǵan (80,44 Mbit/s).
Aita keteiik, 2025 jyldyń ekinshi jartyjyldyǵynyń qorytyndysy boiynsha Qazaqstan mobildi internet sapasy reitinginde 45-orynda bolǵan edi.
