Speedtest Global Index қараша айындағы интернет жылдамдығына қатысты әлемдік рейтингті жариялады. Нәтижеге сәйкес, мобильді интернет сапасы бойынша Қазақстан бір саты төмендеп, 46-орынға жайғасты. Елдегі мобильді интернеттің орташа жүктеу жылдамдығы 93,07 Мбит/с деңгейінде тіркелді, деп хабарлайды Dalanews.kz.
Салыстырмалы түрде айтсақ, Жапония бұл көрсеткіш бойынша 62-орында тұр – 65,14 Мбит/с.
Мобильді интернет жылдамдығы ең жоғары елдер:
-
Біріккен Араб Әмірліктері – 672,68 Мбит/с
-
Катар – 542,56 Мбит/с
-
Кувейт – 398,66 Мбит/с
Ал ең төменгі көрсеткіш Боливияда тіркелген – 14,35 Мбит/с.
Тіркелген кеңжолақты интернет (fixed broadband) жылдамдығы рейтингі бойынша да Қазақстанның позициясы әлсіреді. Бұл санатта ел 91-орынға түсіп, орташа жылдамдық 83,5 Мбит/с болды. Ал Жапония 23-орында орналасып, 229,84 Мбит/с нәтижесін көрсетті.
Қалалар арасындағы мобильді интернет жылдамдығы рейтингі:
-
Алматы – 63-орын (127,79 Мбит/с)
-
Астана – 67-орын (125,58 Мбит/с)
Салыстыру үшін, Токио бұл тізімде 90-орынға ғана тұрақтаған (80,44 Мбит/с).
Айта кетейік, 2025 жылдың екінші жартыжылдығының қорытындысы бойынша Қазақстан мобильді интернет сапасы рейтингінде 45-орында болған еді.
