Qazaqstan úkimeti rieltorlar qyzmetin retke keltirýge kiristi. Endi turǵyn úidi satý-satyp alýmen ainalysatyndardyń bári ózin-ózi retteitin uiymdar arqyly jumys isteýi kerek. Mundai sheshim vitse-premer Serik Jumanǵarin tóraǵalyq etken komissiia otyrysynda qabyldandy, dep habarlaidy Dalanews.kz.
«Búginde jyljymaityn múlik naryǵynda kóp adam ortaq erejesiz jumys isteidi. Ózin rieltor dep ataǵyshtar komissiiany óz qalaýynsha belgilep, klient aldynda derlik jaýapkershilikten qasha salady. Kelisimsharttar esh qujatsyz, qury aýyzsha jasalyp, saldarynan halyq komissiiany eki ret tólep, túrli daýlar bolyp jatady», - dep málimdedi baspasóz qyzmeti.
Jańa talaptarǵa sáikes, rieltorlar biryńǵai tizilimge tirkelýi, úlgilik sharttardy qoldanýy jáne etikalyq kodeksti saqtaýy tiis. Tutynýshylardy qorǵaý úshin ótemaqy qory qurylmaq, al talap buzylǵan jaǵdaida tártiptik jaýapkershilik júiesi qoldanylady.
Salanyń jumysyna baqylaý jasaý mindeti indýstriia jáne qurylys ministrligine júkteldi.
