Qazaqstan Túrkiiaǵa aýyl sharýashylyǵy ónimderiniń eksportyn kóbeitpek, dep habarlaidy Dalanews.kz.
Premer-ministr Oljas Bektenovtiń aitýynsha, eki el arasyndaǵy agroónerkásip salasyndaǵy yntymaqtastyqta oń dinamika baiqalady. 2025 jyly bul saladaǵy taýar ainalymy 25%-dan astam ósip, shamamen 360 mln dollardy quraǵan. Sonymen qatar agrotehnologiialar men saqtandyrý baǵytynda tájiribe almasý júrgizilip jatyr.
Onyń sózinshe, aldaǵy kezeńde taýar ainalymyn ártaraptandyrý, eksporttyq ónim túrlerin keńeitý jáne joǵary qosylǵan quny bar birlesken óndiristerdi iske qosý mańyzdy.
"Biz Túrkiiaǵa bidai, jasymyq, mal azyǵy men maily daqyldardy eksporttaýǵa múddelimiz", - dedi premer-ministr.
Osyǵan bailanysty Oljas Bektenov ýákiletti organdarǵa Túrkiianyń veterinarlyq jáne fitosanitarlyq talaptaryna sáikestik máselesin birlesip pysyqtaýdy usyndy.
