قازاقستان تۇركياعا اۋىل شارۋاشىلىعى ونىمدەرىنىڭ ەكسپورتىن كوبەيتپەك، دەپ حابارلايدى Dalanews.kz.
پرەمەر-مينيستر ولجاس بەكتەنوۆءتىڭ ايتۋىنشا، ەكى ەل اراسىنداعى اگروونەركاسىپ سالاسىنداعى ىنتىماقتاستىقتا وڭ ديناميكا بايقالادى. 2025 جىلى بۇل سالاداعى تاۋار اينالىمى 25%-دان استام ءوسىپ، شامامەن 360 ملن دوللاردى قۇراعان. سونىمەن قاتار اگروتەحنولوگيالار مەن ساقتاندىرۋ باعىتىندا تاجىريبە الماسۋ جۇرگىزىلىپ جاتىر.
ونىڭ سوزىنشە، الداعى كەزەڭدە تاۋار اينالىمىن ءارتاراپتاندىرۋ، ەكسپورتتىق ءونىم تۇرلەرىن كەڭەيتۋ جانە جوعارى قوسىلعان قۇنى بار بىرلەسكەن وندىرىستەردى ىسكە قوسۋ ماڭىزدى.
"ءبىز تۇركياعا بيداي، جاسىمىق، مال ازىعى مەن مايلى داقىلداردى ەكسپورتتاۋعا مۇددەلىمىز"، - دەدى پرەمەر-مينيستر.
وسىعان بايلانىستى ولجاس بەكتەنوۆ ۋاكىلەتتى ورگاندارعا تۇركيانىڭ ۆەتەرينارلىق جانە فيتوسانيتارلىق تالاپتارىنا سايكەستىك ماسەلەسىن بىرلەسىپ پىسىقتاۋدى ۇسىندى.
