2025 jyly Qazaqstannyń kólik-logistika salasy júk jáne jolaýshy tasymalyn ulǵaityp, halyqaralyq baǵyttardy keńeitýmen erekshelendi. Jol infraqurylymy jańartylyp, temirjol parki modernizatsiialandy, áýe qatynasy artty, teńiz jáne ózen tasymaly jandandy, dep habarlaidy Dalanews.kz.
Avtojoldar: jóndeý jáne tsifrlyq baqylaý
Ótken jyly elde 13 myń shaqyrym avtojol salyndy jáne jóndeldi. Qazirgi tańda respýblikalyq mańyzy bar joldardyń 94 paiyzy normativtik jaǵdaida. 2027 jylǵa deiin 37 shekaralyq ótkizý pýnktin jańǵyrtý josparlanǵan.
Jol sapasyn baqylaýdy kúsheitý maqsatynda e-Joldar tsifrlyq júiesi iske qosylyp, joldardyń jaǵdaiy men qozǵalys qarqyndylyǵy onlain esepke alyna bastady. Sonymen qatar josparlanǵan 220 avtomattandyrylǵan ólsheý stantsiiasynyń 71-i ornatyldy.
Áýe salasy: jańa baǵyttar men iri investitsiialar
Qazaqstannyń áýe parki 109 ushaqqa deiin ulǵaidy. Onyń ishinde Airbus A320 jáne Boeing 737 MAX 8 úlgileri bar. Qazir Qazaqstan 30 elmen 135 baǵyt boiynsha turaqty áýe qatynasyn qalpyna keltirip, aptasyna 626 reis oryndaidy.
Arqalyq áýejaiyn qaita qalpyna keltirý bastalyp, Almaty áýejaiyn damytýdyń bas jospary usynyldy. TAV Airport Holding kompaniiasynyń investitsiiasy 362 mln dollardy qurady. Sondai-aq «Qorǵas – Shyǵys qaqpasy» AEA aýmaǵynda 250 mlrd teńgege jańa áýejai salý jóninde kelisim jasaldy.
2025–2031 jyldarǵa arnalǵan azamattyq dron aviatsiiasyn damytý tujyrymdamasy qabyldanyp, halyqaralyq standarttarǵa sáikestik deńgeii IKAO aýditi boiynsha 95,7 paiyzǵa jetti.
Temirjol jáne sý kóligi: júk ainalymy ósti
Temirjol arqyly tasymal kólemi 320 mln tonnaǵa jetip, bir jylda 5,5 paiyzǵa artty. 4,4 myń shaqyrymnan astam jol jóndeldi, onyń ishinde 2025 jyly 1 575 shaqyrym jańartyldy. Dostyq – Moiynty temirjolynyń ekinshi jelisi iske qosylyp, Qyzyljar – Moiynty baǵytynyń qurylysy bastaldy. Sonymen birge 775 lokomotiv pen 2,7 myń platforma satyp alý jóninde kelisimder jasalyp, 124 vokzal jańǵyrtylýda.
Teńiz kóligimen tasymal 8 mln tonnaǵa jetip, 7 paiyzǵa ósti. Aqtaý portynda konteinerlik hab salyndy, Quryq – Baký baǵytyna jańa qurǵaq júk kemesi shyǵaryldy jáne eki parom satyp alyndy. Transkaspii baǵyty boiynsha konteiner tasymaly 36 paiyzǵa artty. Ózen kóligimen 1,5 mln tonna júk jetkizildi.
Halyqaralyq avtotasymal jáne tsifrlandyrý
Qazaqstan 42 elmen halyqaralyq avtotasymal jóninde kelisim jasady. Túrikmenstan jáne Iranmen ruqsatsyz tasymal júiesi engizildi, al Qytai aýmaǵyna tranzittik tasymalǵa múmkindik alyndy.
Qytai jáne Ózbekstanmen birge ruqsat qujattaryn elektrondy almasý júiesi engizilip, ruqsattardyń 65 paiyzy tsifrlandyryldy. Salmaqty avtomatty baqylaý stantsiialarynyń sany 73-ke jetip, aiyppul júiesimen biriktirildi. Sonymen qatar tehnikalyq baiqaý operatorlaryna baqylaý kúsheitildi.
Jalpy alǵanda, 2025 jyl Qazaqstannyń kólik-logistika salasy úshin tranzittik áleýetti arttyryp, eldiń halyqaralyq kólik dálizderindegi rólin kúsheitken kezeń boldy.
