2025 جىلى قازاقستاننىڭ كٶلٸك-لوگيستيكا سالاسى جٷك جەنە جولاۋشى تاسىمالىن ۇلعايتىپ, حالىقارالىق باعىتتاردى كەڭەيتۋمەن ەرەكشەلەندٸ. جول ينفراقۇرىلىمى جاڭارتىلىپ, تەمٸرجول پاركٸ مودەرنيزاتسييالاندى, ەۋە قاتىناسى ارتتى, تەڭٸز جەنە ٶزەن تاسىمالى جانداندى, دەپ حابارلايدى Dalanews.kz.
اۆتوجولدار: جٶندەۋ جەنە تسيفرلىق باقىلاۋ
ٶتكەن جىلى ەلدە 13 مىڭ شاقىرىم اۆتوجول سالىندى جەنە جٶندەلدٸ. قازٸرگٸ تاڭدا رەسپۋبليكالىق ماڭىزى بار جولداردىڭ 94 پايىزى نورماتيۆتٸك جاعدايدا. 2027 جىلعا دەيٸن 37 شەكارالىق ٶتكٸزۋ پۋنكتٸن جاڭعىرتۋ جوسپارلانعان.
جول ساپاسىن باقىلاۋدى كٷشەيتۋ ماقساتىندا e-Joldar تسيفرلىق جٷيەسٸ ٸسكە قوسىلىپ, جولداردىڭ جاعدايى مەن قوزعالىس قارقىندىلىعى ونلاين ەسەپكە الىنا باستادى. سونىمەن قاتار جوسپارلانعان 220 اۆتوماتتاندىرىلعان ٶلشەۋ ستانتسيياسىنىڭ 71-ٸ ورناتىلدى.
ەۋە سالاسى: جاڭا باعىتتار مەن ٸرٸ ينۆەستيتسييالار
قازاقستاننىڭ ەۋە پاركٸ 109 ۇشاققا دەيٸن ۇلعايدى. ونىڭ ٸشٸندە Airbus A320 جەنە Boeing 737 MAX 8 ٷلگٸلەرٸ بار. قازٸر قازاقستان 30 ەلمەن 135 باعىت بويىنشا تۇراقتى ەۋە قاتىناسىن قالپىنا كەلتٸرٸپ, اپتاسىنا 626 رەيس ورىندايدى.
ارقالىق ەۋەجايىن قايتا قالپىنا كەلتٸرۋ باستالىپ, الماتى ەۋەجايىن دامىتۋدىڭ باس جوسپارى ۇسىنىلدى. TAV Airport Holding كومپانيياسىنىڭ ينۆەستيتسيياسى 362 ملن دوللاردى قۇرادى. سونداي-اق «قورعاس – شىعىس قاقپاسى» اەا اۋماعىندا 250 ملرد تەڭگەگە جاڭا ەۋەجاي سالۋ جٶنٸندە كەلٸسٸم جاسالدى.
2025–2031 جىلدارعا ارنالعان ازاماتتىق درون اۆياتسيياسىن دامىتۋ تۇجىرىمداماسى قابىلدانىپ, حالىقارالىق ستاندارتتارعا سەيكەستٸك دەڭگەيٸ يكاو اۋديتٸ بويىنشا 95,7 پايىزعا جەتتٸ.
تەمٸرجول جەنە سۋ كٶلٸگٸ: جٷك اينالىمى ٶستٸ
تەمٸرجول ارقىلى تاسىمال كٶلەمٸ 320 ملن تونناعا جەتٸپ, بٸر جىلدا 5,5 پايىزعا ارتتى. 4,4 مىڭ شاقىرىمنان استام جول جٶندەلدٸ, ونىڭ ٸشٸندە 2025 جىلى 1 575 شاقىرىم جاڭارتىلدى. دوستىق – مويىنتى تەمٸرجولىنىڭ ەكٸنشٸ جەلٸسٸ ٸسكە قوسىلىپ, قىزىلجار – مويىنتى باعىتىنىڭ قۇرىلىسى باستالدى. سونىمەن بٸرگە 775 لوكوموتيۆ پەن 2,7 مىڭ پلاتفورما ساتىپ الۋ جٶنٸندە كەلٸسٸمدەر جاسالىپ, 124 ۆوكزال جاڭعىرتىلۋدا.
تەڭٸز كٶلٸگٸمەن تاسىمال 8 ملن تونناعا جەتٸپ, 7 پايىزعا ٶستٸ. اقتاۋ پورتىندا كونتەينەرلٸك حاب سالىندى, قۇرىق – باكۋ باعىتىنا جاڭا قۇرعاق جٷك كەمەسٸ شىعارىلدى جەنە ەكٸ پاروم ساتىپ الىندى. ترانسكاسپيي باعىتى بويىنشا كونتەينەر تاسىمالى 36 پايىزعا ارتتى. ٶزەن كٶلٸگٸمەن 1,5 ملن توننا جٷك جەتكٸزٸلدٸ.
حالىقارالىق اۆتوتاسىمال جەنە تسيفرلاندىرۋ
قازاقستان 42 ەلمەن حالىقارالىق اۆتوتاسىمال جٶنٸندە كەلٸسٸم جاسادى. تٷرٸكمەنستان جەنە يرانمەن رۇقساتسىز تاسىمال جٷيەسٸ ەنگٸزٸلدٸ, ال قىتاي اۋماعىنا ترانزيتتٸك تاسىمالعا مٷمكٸندٸك الىندى.
قىتاي جەنە ٶزبەكستانمەن بٸرگە رۇقسات قۇجاتتارىن ەلەكتروندى الماسۋ جٷيەسٸ ەنگٸزٸلٸپ, رۇقساتتاردىڭ 65 پايىزى تسيفرلاندىرىلدى. سالماقتى اۆتوماتتى باقىلاۋ ستانتسييالارىنىڭ سانى 73-كە جەتٸپ, ايىپپۇل جٷيەسٸمەن بٸرٸكتٸرٸلدٸ. سونىمەن قاتار تەحنيكالىق بايقاۋ وپەراتورلارىنا باقىلاۋ كٷشەيتٸلدٸ.
جالپى العاندا, 2025 جىل قازاقستاننىڭ كٶلٸك-لوگيستيكا سالاسى ٷشٸن ترانزيتتٸك ەلەۋەتتٸ ارتتىرىپ, ەلدٸڭ حالىقارالىق كٶلٸك دەلٸزدەرٸندەگٸ رٶلٸن كٷشەيتكەن كەزەڭ بولدى.
