«Erjúrek esimder» atty beinerolikter tsikly 1941-1945 jyldardaǵy Uly Otan soǵysynda erlik kórsetken 80 qazaqstandyq batyr týraly baiandaidy. Rolikterde árbir keiipkerdiń ómir joly men jaýyngerlik erligi, jeńiske qosqan úlesi kórsetiledi, – dep habarlaidy Dalanews.kz.
Beinerolikter toptamasy «Qazaqstan» telearnasy men «Qazaqstan» teleradiokorporatsiiasyna qarasty 14 aimaqtyq telearnalardyń efirinen 27 naýryzdan bastap, 9 mamyr – Jeńis kúnine deiin kórsetiledi.
Jobanyń maqsaty - soǵysqa qatysqan qazaqstandyq batyrlar týraly aqparattardy júielei otyryp, olardyń tarihi erligine qurmet qalyptastyrý. Beinerolikter kórermenderdiń Qazaqstannyń jeńiske qosqan úlesi týraly bilimin keńeitýge, jastardy otansúigishtikke tárbielep, tarihqa qyzyǵýshylyǵyn arttyrýǵa múmkindik beredi.
«Erjúrek esimder» jobasyn jasaýda respýblika boiynsha ár óńirdiń Ardagerler keńesi uiymynan, batyrlardyń urpaqtarynan avtobiografiiasy men estelikter jinaqtaldy. Sondai-aq, «Umytylǵan qaharmandar» (2019 j.), «Geroi Velikoi Pobedy – Kazahstantsy» (I tom, 2016 j.), «Geroi Velikoi Pobedy – Kazahstantsy» (II tom, 2016 j.), «Saiypqyran sarbazdar» (2022 j.) kitaptarynan aqparat alyndy.
