30 qyrkúiekte Dýshanbede Qazaqstan tarapynan Tájikstanǵa gýmanitarlyq kómek retinde 5 myń tonna mazýt berildi. Onyń jalpy somasy - 893,7 mln teńge, dep habarlaidy Dalanews.kz.
Qazaqstannyń halyqaralyq damý agenttiginiń málimetinshe, saltanatty rásimge Qazaqstannyń Tájikstandaǵy elshisi Vahab Týrehanova qatysyp, sertifikatty Memlekettik materialdyq rezervter agenttiginiń basshylyǵyna tabys etti. Elshi eki el arasyndaǵy strategiialyq qatynastar aiasynda bul kómek kórsetý sheshimi qabyldanǵanyn atap ótti.
Aita ketý kerek, gýmanitarlyq kómek Tájikstannyń energetikalyq qaýipsizdigin nyǵaitýǵa baǵyttalǵan jáne kórshi memleketterdiń ózara qoldaýy men dostyq qarym-qatynasyn kórsetedi.
Agenttik málimetinshe, sońǵy bes jylda Qazaqstannyń Tájikstanǵa kórsetken gýmanitarlyq kómeginiń jalpy kólemi 21 mln AQSh dollarynan asty.
