30 قىركۇيەكتە دۋشانبەدە قازاقستان تاراپىنان تاجىكستانعا گۋمانيتارلىق كومەك رەتىندە 5 مىڭ توننا مازۋت بەرىلدى. ونىڭ جالپى سوماسى - 893،7 ملن تەڭگە، دەپ حابارلايدى Dalanews.kz.
قازاقستاننىڭ حالىقارالىق دامۋ اگەنتتىگىنىڭ مالىمەتىنشە، سالتاناتتى راسىمگە قازاقستاننىڭ تاجىكستانداعى ەلشىسى ۆاحاب تۋرەحانوۆا قاتىسىپ، سەرتيفيكاتتى مەملەكەتتىك ماتەريالدىق رەزەرۆتەر اگەنتتىگىنىڭ باسشىلىعىنا تابىس ەتتى. ەلشى ەكى ەل اراسىنداعى ستراتەگيالىق قاتىناستار اياسىندا بۇل كومەك كورسەتۋ شەشىمى قابىلدانعانىن اتاپ ءوتتى.
ايتا كەتۋ كەرەك، گۋمانيتارلىق كومەك تاجىكستاننىڭ ەنەرگەتيكالىق قاۋىپسىزدىگىن نىعايتۋعا باعىتتالعان جانە كورشى مەملەكەتتەردىڭ ءوزارا قولداۋى مەن دوستىق قارىم-قاتىناسىن كورسەتەدى.
اگەنتتىك مالىمەتىنشە، سوڭعى بەس جىلدا قازاقستاننىڭ تاجىكستانعا كورسەتكەن گۋمانيتارلىق كومەگىنىڭ جالپى كولەمى 21 ملن اقش دوللارىنان استى.
