Qazaqstan Qytai jáne Ózbekstanmen sý resýrstaryn damytý týraly kelisimderge qol qoiady. Bul týraly Úkimet otyrysynda Sý resýrstary jáne irrigatsiia ministri Nurjan Nurjigitov málimdedi, - dep habarlaidy Dalanews.kz.
Ministr qujattarǵa qol qoiý memleketaralyq sý qatynastaryn damytý úshin qajet ekenin aitty.
"Qazaqstan men Ózbekstan Úkimetteri arasynda transshekaralyq sý nysandaryn birlesip basqarý jáne paidalaný týraly, Qazaqstan men Qytai arasyndaǵy transshekaralyq ózenderde sý bólý týraly kelisimderge qol qoiý josparlandy", - dedi Nurjigitov.
Nurjan Nurjigitov "Halyqaralyq sý aǵyndaryn navigatsiialyq emes paidalaný quqyǵy týraly konventsiiany ratifikatsiialaý týraly" zań jobasy Senattyń qaraýyna jiberilgenin jetkizdi.
"Konventsiia búkil álem boiynsha transshekaralyq ózenderdi, kólderdi jáne olarǵa bailanysty jer asty sýlaryn ádil jáne turaqty basqarýǵa járdemdesýdiń jahandyq quqyqtyq mehanizmin bildiredi. Konventsiiaǵa 37 el tarap bolyp otyr. Al Qazaqstanmen shektes memleketter ishinen konventsiia taraby tek Ózbekstan", - dedi ministrlik basshysy.
