Birikken Ulttar Uıymynyń Azıa jáne Tynyq muhıty óńirine arnalǵan ekonomıkalyq jáne áleýmettik komısıasy aımaqtaǵy 2024 jylǵa arnalǵan ınvestısıa týraly esebin jarıalady. Esepke sáıkes, Qazaqstan jańa jobalarǵa 15,7 mlrd dollar tartyp, Soltústik jáne Ortalyq Azıa aımaǵyndaǵy ınvestısıa tartý boıynsha kóshbasshy atandy.
2024 jyldyń qorytyndysy boıynsha Qazaqstanǵa ınvestısıanyń ósimi 2023 jylmen salystyrǵanda 88 paıyzdy qurady. Oblysqa tartylǵan barlyq ınvestısıanyń 63 paıyzy bizdiń elge tıesili.
Odan keıingi oryndarda kelesi memleketter ornalasty:
Ózbekstan – $4 mlrd (-49%)
Qyrǵyzstan – $2,1 mlrd (+310%)
Ázirbaıjan – $1,2 mlrd (+1%)
Túrkimenstan – $339 mln
Grýzıa – $126 mln
Armenıa – $67 mln
Baıandamada aımaqtyń ınvestısıalyq ahýaly halyqaralyq kompanıalardyń óz strategıalaryn ártaraptandyrýǵa jáne jasyl energıa, sıfrlandyrý jáne tehnologıalyq ınovasıalar sıaqty negizgi salalardaǵy jobalardy qoldaýǵa degen yntalylyǵyn kórsetetini atap ótilgen.
"Bul turǵyda ınvestısıalyq agenttikter men múddeli mınıstrlikterdiń belsendi jumysy erekshe mańyzdy. Jańa baǵyttardyń tabysty bolýy tek qolaıly saıasatty qurýǵa ǵana emes, sonymen qatar ınvestorlardy barlyq kezeńderdegi qoldaýǵa, sonyń ishinde ınvestısıadan keıingi qoldaýǵa da baılanysty", - dep baıandamada eskertildi.
Jahandyq syn-qaterlerge qaramastan, Qazaqstan turaqty ósý men jańa múmkindikter alańyna aınalyp, iri sheteldik ınvestorlardyń nazaryn aýdarýdy jalǵastyrýda. Bıyl elde iri ınvestısıalyq is-sharalar – Sheteldik ınvestorlar keńesi jáne Jahandyq ınvestısıalar jónindegi qazaqstandyq dóńgelek ústel - 2024 ótti, bul Qazaqstannyń óńirdegi negizgi ınvestısıalyq hab retindegi ustanymyn nyǵaıtty.
