Sý resýrstary jáne irrigatsiia ministri Nurjan Nurjigitov Dúniejúzilik banktiń turaqty ókilimen kezdesý ótkizdi. Taraptar Soltústik Aral teńizin saqtaý jáne sý sharýashylyǵy infraqurylymyn damytýǵa baǵyttalǵan birlesken jobalardy iske asyrý tetikterin talqylady, dep habarlaidy Dalanews.kz.
Kezdesýdiń negizgi taqyryby — Soltústik Araldy saqtaý jobasynyń ekinshi kezeńi boldy. Onyń aiasynda teńizdegi sý deńgeiin kóterý maqsatynda Kókaral bógetin qaita jańǵyrtý kózdelip otyr.
Qazirgi ýaqytta jobany ázirleý jumystary aiaqtalý satysynda.
Sonymen qatar Qyzylorda oblysyndaǵy irrigatsiialyq jelilerdi qalpyna keltirý jobasyna daiyndyq júrgizilýde. Bul jobaǵa tsifrlandyrý men avtomattandyrý elementterin engizý josparlanǵan.
«Bul bastamany iske asyrý sý resýrstaryn paidalanýdyń tiimdiligin arttyryp, únemdelgen sýdy Soltústik Aral teńizine baǵyttaýǵa múmkindik beredi», – dep naqtylady Sý resýrstary ministrliginde.
Qazirgi tańda barlyq jobalar memlekettik saraptamadan ótip jatyr.
