Transparency International jariialaǵan 2024 jylǵy “Sybailas jemqorlyqty qabyldaý indeksinde” Qazaqstan óz kórsetkishin jaqsartyp, 40 upai jinady. Elimiz 180 memlekettiń ishinde 5 satyǵa kóterilip, 88-orynǵa jaiǵasty, dep habarlaidy Dalanews.kz.
Bul nátijege sybailas jemqorlyqqa qarsy júrgizilgen keshendi sharalardyń arqasynda qol jetkizildi. Sarapshylar Qazaqstannyń 2016 jyldan beri kórsetkishin aitarlyqtai jaqsartqan elderdiń qatarynda ekenin atap ótti. Sol ýaqyttan beri eldiń indeksi 11 upaiǵa ósip, 29-dan 40-qa jetken.
Jahandyq deńgeide jemqorlyqty qabyldaýdyń ortasha kórsetkishi – 43 upai, al Shyǵys Eýropa jáne Ortalyq Aziia aimaǵyndaǵy 19 eldiń ortasha nátijesi – 35 upai.
Ortalyq Aziiada Qazaqstan eń joǵary pozitsiiany ielenip, reitingin jaqsartqan jalǵyz el atandy.
“Indekste Qazaqstannan keiin Úndistan (38), Indoneziia (37), Argentina (37), Serbiia (35), Ýkraina (35), Braziliia (34), Tailand (34), Túrkiia (34), Belarýs (33), Resei (22) jáne t.b. elder ornalasqan.
Jemqorlyqty qabyldaý indeksi Qazaqstannyń reitingin shyǵarý úshin 9 túrli uiymnyń derekteri paidalanylǵan kompozittik indeks bolyp sanalady. Reiting memlekettik sektordaǵy sybailas jemqorlyqty qabyldaýdyń saraptamalyq jáne biznes-baǵalaýlaryna negizdelge”, - delingen Antikor habarlamasynda.
Bul indeks memlekettik sektordaǵy sybailas jemqorlyqty baǵalaý úshin 9 túrli uiymnyń derekterine negizdelgen keshendi zertteý nátijesinde jasalady.
