Qazaqstan Respýblikasynyń territoriiasynda jumys isteý úshin shetelden aldyrtylatyn jumys kúshiniń 2025 jylǵy kvotasynyń kólemi belgili boldy. Bul málimet Eńbek ministriniń 2024 jylǵy 30 jeltoqsandaǵy buiryǵynda qamtylǵan, dep jazady Dalanews.kz.
QR territoriiasynda jumys isteý úshin sheteldik jumys kúshin tartýǵa arnalǵan 2025 jylǵy kvotasynda sheteldik úlesi elimizdegi jumysshy kúshiniń sanyna paiyzben shaqqanda:
- jergilikti atqarýshy organ ruqsattary boiynsha - 0,2%;
- eńbek immigranttaryn tartýda - 3% mólsherinde.
Buiryq 2025 jylǵy 17 qańtardan bastap qoldanysqa engiziledi.
Al 2024 jyly jalpy kvota respýblikadaǵy jumys kúshiniń sanyna qatysty 0,23% nemese 22 myń jumysshy qoly deńgeiinde belgilengen bolatyn. Al eńbek immigranttarynyń kvotadaǵy úlesi respýblikamyzdaǵy jumys kúshiniń sanyna qatysty 3,1% nemese 271,3 myń adamdy quraǵan.
Aita ketsek, elimizde 2025 jyl Jumysshy mamandyqtarynyń jyly bolyp jariialandy. Osyǵan bailanysty elimizdegi memlekettik nagradalar júiesine (burynnan bar 6 qurmetti ataqqa) 9 jańa qurmetti ataq engizildi.
