Bul jerge Baiqońyrdan ushqan «Soiýz» zymyrandarynyń qaldyqtary qulaityn bolady. Ol úshin Resei Federatsiiasy Qazaqstanǵa jyl saiyn 460 myń dollar aqy tólep otyrmaq. Bul týraly elimizdiń Investitsiialar jáne damý vitse-ministri Albert Raý «Nash Kostanai» basylymyna bergen suhbatynda málimdedi. Onyń aitýynsha, Resei tarapy qansha zymyran ushyrǵysy kelse de óz erikteri.
«Másele zymyran qaldyqtarynyń qulaý traektoriiasynyń ózgerýinde. Iaǵni, buryn olar Jezqazǵan aýmaǵyna qulap kelgen bolsa, endi Aqtóbe oblysyndaǵy Yrǵyz aýdany jáne Qostanai oblysyndaǵy Jangeldi aýdandarynyń aýmaǵyna qulaityn bolady. Barlyǵy 63 myń gektar jer bólinip otyr: 22 myńy Aqtóbe oblysynda, 41 myńy Qostanai oblysynda ornalasqan»
– deidi vitse-ministr.
Onyń aitýynsha, Resei tólegen qarajat biýdjetke túsip, keiin sol zymyran qulaityn aýmaqta turatyn turǵyndardyń áleýmettik problemalaryn sheshýge jumsalatyn bolady.
Esterińizge salaiyq, osydan úsh jyl buryn Baiqońyrdan ushyrylǵan «Proton-M» zymyrany apatqa ushyrap, saldarynan Qazaqstan territoriiasyna myńdaǵan tonna ýly geptil tógilgen bolatyn. Araǵa bir jyl salmai belgisiz sebeptermen 140 myńdai kiik qyrylyp qaldy. Qoǵam belsendileri, ekologtar tabiǵi apattyń geptilden bolǵanyn aityp dabyl qaqsa da, bilik ókilderi ýly zattyń tabiǵatqa múldem zalaly joq ekenin aityp, halyqty jubatyp keledi.
Derekkóz: sn.kz
