Qazaqstan Resei ýáde etken jylý elektr ortalyqtaryn ózi salyp shyǵýy múmkin, dep habarlaidy Dalanews.kz Orda.kz-ke siltep.
Resei Qazaqstanda salýǵa ýáde bergen úsh jylý elektr stantsiiasynyń (JEO) qurylysy júzege aspaýy yqtimal. Mundai jaǵdaida elimiz bul jobany óz kúshimen iske asyrýǵa daiyn.
Bul týraly vitse-premer Roman Skliar «Ortalyq Aziia – Qytai» sammitiniń kýlýarynda málimdedi. Onyń aitýynsha, Qazaqstan men Resei arasynda tiisti kelisim bar, alaida onyń júzege asyrylýy keiinge shegerilip jatyr.
"Bizde qol qoiylǵan kelisim bar. Qazir eksporttyq qarjylandyrýda kidiris bolyp otyr", – dedi ol.
Eger Reseiden qarjy túspese, joba sheteldik qoldaýsyz-aq iske asyrylmaq.
"Biz reseilik áriptesterdiń qatysýynsyz-aq JEO sala alamyz", – dedi Skliar.
Sonymen qatar, bul memlekettik biýdjetten tikelei qarjylandyrylady degendi bildirmeidi. Qurylys tapsyrys berýshisi retinde ulttyq kompaniianyń shyǵýy múmkin.
"Bizde “Samuryq-Energo” bar. Ol tarif kepildigimen JEO salýdyń tapsyrys berýshisi bola alady. Iaǵni naqty sol stantsiiaǵa belgilenetin tarif kepildigimen. Ázirge tarif boiynsha esepteýler joq", – dep túsindirdi ol.
Qurylysqa qazaqstandyq kompaniialar tartyla ma, joq pa – bul suraq ázirge ashyq kúiinde qalyp otyr.
"Aldymen sheshimdi kúteiik. Qurylys bastalǵan kezde habarlaimyz", – dedi vitse-premer.
