قازاقستان رەسەي ۋەدە ەتكەن جىلۋ ەلەكتر ورتالىقتارىن ٶزٸ سالىپ شىعۋى مٷمكٸن, دەپ حابارلايدى Dalanews.kz Orda.kz-كە سٸلتەپ.
رەسەي قازاقستاندا سالۋعا ۋەدە بەرگەن ٷش جىلۋ ەلەكتر ستانتسيياسىنىڭ (جەو) قۇرىلىسى جٷزەگە اسپاۋى ىقتيمال. مۇنداي جاعدايدا ەلٸمٸز بۇل جوبانى ٶز كٷشٸمەن ٸسكە اسىرۋعا دايىن.
بۇل تۋرالى ۆيتسە-پرەمەر رومان سكليار «ورتالىق ازييا – قىتاي» سامميتٸنٸڭ كۋلۋارىندا مەلٸمدەدٸ. ونىڭ ايتۋىنشا, قازاقستان مەن رەسەي اراسىندا تيٸستٸ كەلٸسٸم بار, الايدا ونىڭ جٷزەگە اسىرىلۋى كەيٸنگە شەگەرٸلٸپ جاتىر.
"بٸزدە قول قويىلعان كەلٸسٸم بار. قازٸر ەكسپورتتىق قارجىلاندىرۋدا كٸدٸرٸس بولىپ وتىر", – دەدٸ ول.
ەگەر رەسەيدەن قارجى تٷسپەسە, جوبا شەتەلدٸك قولداۋسىز-اق ٸسكە اسىرىلماق.
"بٸز رەسەيلٸك ەرٸپتەستەردٸڭ قاتىسۋىنسىز-اق جەو سالا الامىز", – دەدٸ سكليار.
سونىمەن قاتار, بۇل مەملەكەتتٸك بيۋدجەتتەن تٸكەلەي قارجىلاندىرىلادى دەگەندٸ بٸلدٸرمەيدٸ. قۇرىلىس تاپسىرىس بەرۋشٸسٸ رەتٸندە ۇلتتىق كومپانييانىڭ شىعۋى مٷمكٸن.
"بٸزدە “سامۇرىق-ەنەرگو” بار. ول تاريف كەپٸلدٸگٸمەن جەو سالۋدىڭ تاپسىرىس بەرۋشٸسٸ بولا الادى. ياعني ناقتى سول ستانتسيياعا بەلگٸلەنەتٸن تاريف كەپٸلدٸگٸمەن. ەزٸرگە تاريف بويىنشا ەسەپتەۋلەر جوق", – دەپ تٷسٸندٸردٸ ول.
قۇرىلىسقا قازاقستاندىق كومپانييالار تارتىلا ما, جوق پا – بۇل سۇراق ەزٸرگە اشىق كٷيٸندە قالىپ وتىر.
"الدىمەن شەشٸمدٸ كٷتەيٸك. قۇرىلىس باستالعان كەزدە حابارلايمىز", – دەدٸ ۆيتسە-پرەمەر.
